8 shlokas
- 1
मार्कण्डेय उवाच
ब्रह्मणो यस्तृतीयस्तु पुत्रः कुरुकुलोद्वह
तस्यापवसुता भार्या प्रजास्तस्यापि मे शृणु
mārkaṇḍeya uvāca
brahmaṇo yastṛtīyastu putraḥ kurukulodvaha
tasyāpavasutā bhāryā prajāstasyāpi me śṛṇu
- 2
बृहज्ज्योतिर्बृहत्कीर्तिर्बृहद्ब्रह्मा बृहन्मनाः
बृहन्मन्त्रो बृहद्भासस्तथा राजन्बृहस्पतिः
bṛhajjyotirbṛhatkīrtirbṛhadbrahmā bṛhanmanāḥ
bṛhanmantro bṛhadbhāsastathā rājanbṛhaspatiḥ
- 3
प्रजासु तासु सर्वासु रूपेणाप्रतिमाभवत्
देवी भानुमती नाम प्रथमाङ्गिरसः सुता
prajāsu tāsu sarvāsu rūpeṇāpratimābhavat
devī bhānumatī nāma prathamāṅgirasaḥ sutā
- 4
भूतानाम् एव सर्वेषां यस्यां रागस्तदाभवत्
रागाद्रागेति याम् आहुर्द्वितीयाङ्गिरसः सुता
bhūtānām eva sarveṣāṃ yasyāṃ rāgastadābhavat
rāgādrāgeti yām āhurdvitīyāṅgirasaḥ sutā
- 5
यां कपर्दिसुताम् आहुर्दृश्यादृश्येति देहिनः
तनुत्वात्सा सिनीवाली तृतीयाङ्गिरसः सुता
yāṃ kapardisutām āhurdṛśyādṛśyeti dehinaḥ
tanutvātsā sinīvālī tṛtīyāṅgirasaḥ sutā
- 6
पश्यत्यर्चिष्मती भाभिर्हविर्भिश्च हविष्मती
षष्ठीम् अङ्गिरसः कन्यां पुण्याम् आहुर्हविष्मतीम्
paśyatyarciṣmatī bhābhirhavirbhiśca haviṣmatī
ṣaṣṭhīm aṅgirasaḥ kanyāṃ puṇyām āhurhaviṣmatīm
- 7
महामखेष्वाङ्गिरसी दीप्तिमत्सु महामती
महामतीति विख्याता सप्तमी कथ्यते सुता
mahāmakheṣvāṅgirasī dīptimatsu mahāmatī
mahāmatīti vikhyātā saptamī kathyate sutā
- 8
यां तु दृष्ट्वा भगवतीं जनः कुहुकुहायते
एकानंशेति याम् आहुः कुहूम् अङ्गिरसः सुताम्
yāṃ tu dṛṣṭvā bhagavatīṃ janaḥ kuhukuhāyate
ekānaṃśeti yām āhuḥ kuhūm aṅgirasaḥ sutām

