5 shlokas
- 1
सूत उवाच
एवं स्तुतस्तदा कद्र्वा भगवान्हरिवाहनः
मेघान् आज्ञापयामास वर्षध्वम् उदकं शुभम्
नीलजीमूतसंघातैर्व्योम सर्वं समावृणोत्
sūta uvāca
evaṃ stutastadā kadrvā bhagavānharivāhanaḥ
meghān ājñāpayāmāsa varṣadhvam udakaṃ śubham
nīlajīmūtasaṃghātairvyoma sarvaṃ samāvṛṇot
- 2
ते मेघा मुमुचुस्तोयं प्रभूतं विद्युदुज्ज्वलाः
परस्परम् इवात्यर्थं गर्जन्तः सततं दिवि
te meghā mumucustoyaṃ prabhūtaṃ vidyudujjvalāḥ
parasparam ivātyarthaṃ garjantaḥ satataṃ divi
- 3
संघातितम् इवाकाशं जलदैः सुमहाद्भुतैः
सृजद्भिर् अतुलं तोयम् अजस्रं सुमहारवैः
saṃghātitam ivākāśaṃ jaladaiḥ sumahādbhutaiḥ
sṛjadbhir atulaṃ toyam ajasraṃ sumahāravaiḥ
- 4
संप्रनृत्तम् इवाकाशं धारोर्मिभिर् अनेकशः
मेघस्तनितनिर्घोषम् अम्बरं समपद्यत
विद्युत्पवनकम्पितैः [॥। औ६ ज़ेइछेन्झ्]
तैर्मेघैः संततासारं वर्षद्भिर् अनिशं तदा
नष्टचन्द्रार्ककिरणम्
saṃpranṛttam ivākāśaṃ dhārormibhir anekaśaḥ
meghastanitanirghoṣam ambaraṃ samapadyata
vidyutpavanakampitaiḥ [||| au6 ja़eichenjh]
tairmeghaiḥ saṃtatāsāraṃ varṣadbhir aniśaṃ tadā
naṣṭacandrārkakiraṇam
- 5
नागानाम् उत्तमो हर्षस्तदा वर्षति वासवे
आपूर्यत मही चापि सलिलेन समन्ततः
रसातलम् अनुप्राप्तं शीतलं विमलं जलम्
तदा भूर् अभवच्छन्ना जलोर्मिभिर् अनेकशः
रामणीयकम् आगच्छन्मात्रा सह भुजंगमाः
nāgānām uttamo harṣastadā varṣati vāsave
āpūryata mahī cāpi salilena samantataḥ
rasātalam anuprāptaṃ śītalaṃ vimalaṃ jalam
tadā bhūr abhavacchannā jalormibhir anekaśaḥ
rāmaṇīyakam āgacchanmātrā saha bhujaṃgamāḥ

