18 shlokas
- 1
जनमेजय उवाच
ज्येष्ठानुज्येष्ठतां तेषां नामधेयानि चाभिभो
धृतराष्ट्रस्य पुत्राणाम् आनुपूर्व्येण कीर्तय
janamejaya uvāca
jyeṣṭhānujyeṣṭhatāṃ teṣāṃ nāmadheyāni cābhibho
dhṛtarāṣṭrasya putrāṇām ānupūrvyeṇa kīrtaya
- 2
वैशंपायन उवाच
दुर्योधनो युयुत्सुश्च राजन्दुःशासनस्तथा
दुःसहो दुःशलश्चैव जलसंधः समः सहः
vaiśaṃpāyana uvāca
duryodhano yuyutsuśca rājanduḥśāsanastathā
duḥsaho duḥśalaścaiva jalasaṃdhaḥ samaḥ sahaḥ
- 3
विन्दानुविन्दौ दुर्धर्षः सुबाहुर्दुष्प्रधर्षणः
दुर्मर्षणो दुर्मुखश्च दुष्कर्णः कर्ण एव च
vindānuvindau durdharṣaḥ subāhurduṣpradharṣaṇaḥ
durmarṣaṇo durmukhaśca duṣkarṇaḥ karṇa eva ca
- 4
विविंशतिर्विकर्णश्च जलसंधः सुलोचनः
चित्रोपचित्रौ चित्राक्षश्चारुचित्रः शरासनः
viviṃśatirvikarṇaśca jalasaṃdhaḥ sulocanaḥ
citropacitrau citrākṣaścārucitraḥ śarāsanaḥ
- 5
दुर्मदो दुष्प्रगाहश्च विवित्सुर्विकटः समः
ऊर्णनाभः सुनाभश्च तथा नन्दोपनन्दकौ
durmado duṣpragāhaśca vivitsurvikaṭaḥ samaḥ
ūrṇanābhaḥ sunābhaśca tathā nandopanandakau
- 6
सेनापतिः सुषेणश्च कुण्डोदरमहोदरौ
चित्रध्वजश्चित्ररथश्चित्रबाहुर् अमित्रजित्
चित्रबाणश्चित्रवर्मा सुवर्मा दुर्विमोचनः
senāpatiḥ suṣeṇaśca kuṇḍodaramahodarau
citradhvajaścitrarathaścitrabāhur amitrajit
citrabāṇaścitravarmā suvarmā durvimocanaḥ
- 7
अयोबाहुर्महाबाहुश्चित्राङ्गश्चित्रकुण्डलः
भीमवेगो भीमबलो बलाकी बलवर्धनः
ayobāhurmahābāhuścitrāṅgaścitrakuṇḍalaḥ
bhīmavego bhīmabalo balākī balavardhanaḥ
- 8
उग्रायुधो भीमकर्मा कनकायुर्दृढायुधः
चित्रायुधो निषङ्गी च पाशी वृन्दारकस्तथा
दृढवर्मा दृढक्षत्रः सोमकीर्तिर् अनूदरः
ugrāyudho bhīmakarmā kanakāyurdṛḍhāyudhaḥ
citrāyudho niṣaṅgī ca pāśī vṛndārakastathā
dṛḍhavarmā dṛḍhakṣatraḥ somakīrtir anūdaraḥ
- 9
दृढसंधो जरासंधः सत्यसंधः सदःसुवाक्
उग्रश्रवा अश्वसेनः सेनानीर्दुष्पराजयः
dṛḍhasaṃdho jarāsaṃdhaḥ satyasaṃdhaḥ sadaḥsuvāk
ugraśravā aśvasenaḥ senānīrduṣparājayaḥ
- 10
अपराजितः पण्डितको विशालाक्षो दुरावरः
अजितश्च जयन्तश्च जयत्सेनो ऽथ दुर्जयः
दृढहस्तः सुहस्तश्च वातवेगसुवर्चसौ
aparājitaḥ paṇḍitako viśālākṣo durāvaraḥ
ajitaśca jayantaśca jayatseno 'tha durjayaḥ
dṛḍhahastaḥ suhastaśca vātavegasuvarcasau
- 11
आदित्यकेतुर्बह्वाशी नागदन्तोग्रयायिनौ
कवची निषङ्गी पाशी च दण्डधारो धनुर्ग्रहः
ādityaketurbahvāśī nāgadantograyāyinau
kavacī niṣaṅgī pāśī ca daṇḍadhāro dhanurgrahaḥ
- 12
उग्रो भीमरथो वीरो वीरबाहुर् अलोलुपः
भीमकर्मा सुबाहुश्च भीमविक्रान्त एव च
अभयो रौद्रकर्मा च तथा दृढरथस्त्रयः
ugro bhīmaratho vīro vīrabāhur alolupaḥ
bhīmakarmā subāhuśca bhīmavikrānta eva ca
abhayo raudrakarmā ca tathā dṛḍharathastrayaḥ
- 13
अनाधृष्यः कुण्डभेदी विरावी दीर्घलोचनः
प्रमथश्च प्रमाथी च दीर्घालातश्च वीर्यवान्
दीर्घध्वजो दीर्घभुज अदीर्घो दीर्घ एव च
दीर्घबाहुर्महाबाहुर्व्यूढोरुः कनकध्वजः
महाकुण्डश्च कुण्डश्च कुण्डजश्चित्रजस्तथा
anādhṛṣyaḥ kuṇḍabhedī virāvī dīrghalocanaḥ
pramathaśca pramāthī ca dīrghālātaśca vīryavān
dīrghadhvajo dīrghabhuja adīrgho dīrgha eva ca
dīrghabāhurmahābāhurvyūḍhoruḥ kanakadhvajaḥ
mahākuṇḍaśca kuṇḍaśca kuṇḍajaścitrajastathā
- 14
कुण्डाशी विरजाश्चैव दुःशला च शताधिका
एतद् एकशतं राजन्कन्या चैका प्रकीर्तिता
kuṇḍāśī virajāścaiva duḥśalā ca śatādhikā
etad ekaśataṃ rājankanyā caikā prakīrtitā
- 15
नामधेयानुपूर्व्येण विद्धि जन्मक्रमं नृप
सर्वे त्वतिरथाः शूराः सर्वे युद्धविशारदाः
nāmadheyānupūrvyeṇa viddhi janmakramaṃ nṛpa
sarve tvatirathāḥ śūrāḥ sarve yuddhaviśāradāḥ
- 16
सर्वे वेदविदश्चैव राजशास्त्रेषु कोविदाः
सर्वे संसर्गविद्यासु विद्याभिजनशोभिनः
sarve vedavidaścaiva rājaśāstreṣu kovidāḥ
sarve saṃsargavidyāsu vidyābhijanaśobhinaḥ
- 17
सर्वेषाम् अनुरूपाश्च कृता दारा महीपते
धृतराष्ट्रेण समये समीक्ष्य विधिवत्तदा
sarveṣām anurūpāśca kṛtā dārā mahīpate
dhṛtarāṣṭreṇa samaye samīkṣya vidhivattadā
- 18
दुःशलां समये राजा सिन्धुराजाय भारत
जयद्रथाय प्रददौ सौबलानुमते तदा
इति पुत्रशतं राजन्युयुत्सुश्च शताधिकः
कन्यका दुःशला चैव यथावत्कीर्तितं मया
duḥśalāṃ samaye rājā sindhurājāya bhārata
jayadrathāya pradadau saubalānumate tadā
iti putraśataṃ rājanyuyutsuśca śatādhikaḥ
kanyakā duḥśalā caiva yathāvatkīrtitaṃ mayā

