5 shlokas
- 1
ईश्वर उवाच
अथातः सम्प्रवक्ष्यामि कार्पासाचलमुत्तमम्
यत्प्रदानान्नरो नित्यमाप्नोति परमं पदम्
īśvara uvāca
athātaḥ sampravakṣyāmi kārpāsācalamuttamam
yatpradānānnaro nityamāpnoti paramaṃ padam
- 2
कार्पासपर्वतस्तद्वद्विंशद्भारैर् इहोत्तमः
दशभिर्मध्यमः प्रोक्तः पञ्चभिस्त्वधमः स्मृतः
भारेणाल्पधनो दद्याद्वित्तशाठ्यविवर्जितः
kārpāsaparvatastadvadviṃśadbhārair ihottamaḥ
daśabhirmadhyamaḥ proktaḥ pañcabhistvadhamaḥ smṛtaḥ
bhāreṇālpadhano dadyādvittaśāṭhyavivarjitaḥ
- 3
धान्यपर्वतवत्सर्वमासाद्य मुनिपुंगव
प्रभातायां तु शर्वर्यां दद्यादिदमुदीरयेत्
dhānyaparvatavatsarvamāsādya munipuṃgava
prabhātāyāṃ tu śarvaryāṃ dadyādidamudīrayet
- 4
त्वमेवावरणं यस्माल्लोकानामिह सर्वदा
कार्पासाद्रे नमस्तुभ्यमघौघध्वंसनो भव
tvamevāvaraṇaṃ yasmāllokānāmiha sarvadā
kārpāsādre namastubhyamaghaughadhvaṃsano bhava
- 5
इति कार्पासशैलेन्द्रं यो दद्याच्छर्वसंनिधौ
रुद्रलोके वसेत्कल्पं ततो राजा भवेदिह
iti kārpāsaśailendraṃ yo dadyāccharvasaṃnidhau
rudraloke vasetkalpaṃ tato rājā bhavediha

