9 shlokas
- 1
ईश्वर उवाच
अथातः सम्प्रवक्ष्यामि लवणाचलमुत्तमम्
यत्प्रदानान्नरो लोकानाप्नोति शिवसंयुतान्
īśvara uvāca
athātaḥ sampravakṣyāmi lavaṇācalamuttamam
yatpradānānnaro lokānāpnoti śivasaṃyutān
- 2
उत्तमः षोडशद्रोणैः कर्तव्यो लवणाचलः
मध्यमः स्यात्तदर्धेन चतुर्भिरधमः स्मृतः
uttamaḥ ṣoḍaśadroṇaiḥ kartavyo lavaṇācalaḥ
madhyamaḥ syāttadardhena caturbhiradhamaḥ smṛtaḥ
- 3
वित्तहीनो यथाशक्त्या द्रोणादूर्ध्वं तु कारयेत्
चतुर्थांशेन विष्कम्भपर्वतान्कारयेत्पृथक्
vittahīno yathāśaktyā droṇādūrdhvaṃ tu kārayet
caturthāṃśena viṣkambhaparvatānkārayetpṛthak
- 4
विधानं पूर्ववत्कुर्याद्ब्रह्मादीनां च सर्वदा
तद्वद्धेममयान्सर्वांल्लोकपालान्निवेशयेत्
vidhānaṃ pūrvavatkuryādbrahmādīnāṃ ca sarvadā
tadvaddhemamayānsarvāṃllokapālānniveśayet
- 5
सरांसि कामदेवादींस्तद्वदत्रापि कारयेत्
कुर्याज्जागरणं चापि दानमन्त्रान्निबोधत
sarāṃsi kāmadevādīṃstadvadatrāpi kārayet
kuryājjāgaraṇaṃ cāpi dānamantrānnibodhata
- 6
सौभाग्यसरः सम्भूतो यतोऽयं लवणो रसः
तद्दानकर्तृकत्वेन त्वं मां पाहि नगोत्तम
saubhāgyasaraḥ sambhūto yato'yaṃ lavaṇo rasaḥ
taddānakartṛkatvena tvaṃ māṃ pāhi nagottama
- 7
यस्मादन्नरसाः सर्वे नोत्कटा लवणं विना
प्रियं च शिवयोर्नित्यं तस्माच्छान्तिं प्रयच्छ मे
yasmādannarasāḥ sarve notkaṭā lavaṇaṃ vinā
priyaṃ ca śivayornityaṃ tasmācchāntiṃ prayaccha me
- 8
विष्णुदेहसमुद्भूतं यस्मादारोग्यवर्धनम्
तस्मात्पर्वतरूपेण पाहि संसारसागरात्
viṣṇudehasamudbhūtaṃ yasmādārogyavardhanam
tasmātparvatarūpeṇa pāhi saṃsārasāgarāt
- 9
अनेन विधिना यस्तु दद्याल्लवणपर्वतम्
उमालोके वसेत्कल्पं ततो याति परां गतिम्
anena vidhinā yastu dadyāllavaṇaparvatam
umāloke vasetkalpaṃ tato yāti parāṃ gatim

