7 shlokas
- 1
ईश्वर उवाच
अथान्यामपि वक्ष्यामि तृतीयां सर्वकामदाम्
यस्यां दत्तं हुतं जप्तं सर्वं भवति चाक्षयम्
īśvara uvāca
athānyāmapi vakṣyāmi tṛtīyāṃ sarvakāmadām
yasyāṃ dattaṃ hutaṃ japtaṃ sarvaṃ bhavati cākṣayam
- 2
वैशाखशुक्लपक्षे तु तृतीया यैरुपोषिता
अक्षयं फलमाप्नोति सर्वस्य सुकृतस्य च
vaiśākhaśuklapakṣe tu tṛtīyā yairupoṣitā
akṣayaṃ phalamāpnoti sarvasya sukṛtasya ca
- 3
सा तथा कृत्तिकोपेता विशेषेण सुपूजिता
तत्र दत्तं हुतं जप्तं सर्वमक्षयमुच्यते
sā tathā kṛttikopetā viśeṣeṇa supūjitā
tatra dattaṃ hutaṃ japtaṃ sarvamakṣayamucyate
- 4
अक्षया संततिस्तस्यास्तस्यां सुकृतमक्षयम्
अक्षतैः पूज्यते विष्णुस्तेन साप्यक्षया स्मृता
अक्षतैस्तु नराः स्नाता विष्णोर्दत्त्वा तथाक्षतान्
akṣayā saṃtatistasyāstasyāṃ sukṛtamakṣayam
akṣataiḥ pūjyate viṣṇustena sāpyakṣayā smṛtā
akṣataistu narāḥ snātā viṣṇordattvā tathākṣatān
- 5
विप्रेषु दत्त्वा तानेव तथा सक्तून्सुसंकृतान्
यथान्नभुङ्महाभागः फलमक्षय्यमश्नुते
vipreṣu dattvā tāneva tathā saktūnsusaṃkṛtān
yathānnabhuṅmahābhāgaḥ phalamakṣayyamaśnute
- 6
एकामप्युक्तवत्कृत्वा तृतीयां विधिवन्नरः
एतासामपि सर्वासां तृतीयानां फलं भवेत्
ekāmapyuktavatkṛtvā tṛtīyāṃ vidhivannaraḥ
etāsāmapi sarvāsāṃ tṛtīyānāṃ phalaṃ bhavet
- 7
तृतीयायां समभ्यर्च्य सोपवासो जनार्दनम्
राजसूयफलं प्राप्य गतिमग्र्यां च विन्दति
tṛtīyāyāṃ samabhyarcya sopavāso janārdanam
rājasūyaphalaṃ prāpya gatimagryāṃ ca vindati

