89 shlokas
- 1
सूत उवाच
अजमीढस्य नीलिन्यां नीलः समभवन्नृपः
नीलस्य तपसोग्रेण सुशान्तिरुदपद्यत
sūta uvāca
ajamīḍhasya nīlinyāṃ nīlaḥ samabhavannṛpaḥ
nīlasya tapasogreṇa suśāntirudapadyata
- 2
पुरुजानुः सुशान्तेस्तु पृथुस्तु पुरुजानुतः
भद्राश्वः पृथुदायादो भद्राश्वतनयाञ्छृणु
purujānuḥ suśāntestu pṛthustu purujānutaḥ
bhadrāśvaḥ pṛthudāyādo bhadrāśvatanayāñchṛṇu
- 3
मुद्गलश्च जयश्चैव राजा बृहदिषुस्तथा
जवीनरश्च विक्रान्तः कपिलश्चैव पञ्चमः
mudgalaśca jayaścaiva rājā bṛhadiṣustathā
javīnaraśca vikrāntaḥ kapilaścaiva pañcamaḥ
- 4
पञ्चानां चैव पञ्चालानेताञ्जनपदान्विदुः
पञ्चालरक्षिणो ह्य् एते देशानामिति नः श्रुतम्
pañcānāṃ caiva pañcālānetāñjanapadānviduḥ
pañcālarakṣiṇo hy ete deśānāmiti naḥ śrutam
- 5
मुद्गलस्यापि मौद्गल्याः क्षत्रोपेता द्विजातयः
एते ह्य् अङ्गिरसः पक्षं संश्रिताः काण्वमुद्गलाः
mudgalasyāpi maudgalyāḥ kṣatropetā dvijātayaḥ
ete hy aṅgirasaḥ pakṣaṃ saṃśritāḥ kāṇvamudgalāḥ
- 6
मुद्गलस्य सुतो जज्ञे ब्रह्मिष्ठः सुमहायशाः
इन्द्रसेनः सुतस्तस्य विन्ध्याश्वस्तस्य चात्मजः
mudgalasya suto jajñe brahmiṣṭhaḥ sumahāyaśāḥ
indrasenaḥ sutastasya vindhyāśvastasya cātmajaḥ
- 7
विन्ध्याश्वान्मिथुनं जज्ञे मेनकायामिति श्रुतिः
दिवोदासश्च राजर्षिरहल्या च यशस्विनी
vindhyāśvānmithunaṃ jajñe menakāyāmiti śrutiḥ
divodāsaśca rājarṣirahalyā ca yaśasvinī
- 8
शरद्वतस्तु दायादमहल्या सम्प्रसूयत
शतानन्दमृषिश्रेष्ठं तस्यापि सुमहातपाः
śaradvatastu dāyādamahalyā samprasūyata
śatānandamṛṣiśreṣṭhaṃ tasyāpi sumahātapāḥ
- 9
सुतः सत्यधृतिर्नाम धनुर्वेदस्य पारगः
आसीत्सत्यधृतेः शुक्रममोघं धार्मिकस्य तु
sutaḥ satyadhṛtirnāma dhanurvedasya pāragaḥ
āsītsatyadhṛteḥ śukramamoghaṃ dhārmikasya tu
- 10
स्कन्नं रेतः सत्यधृतेर्दृष्ट्वा चाप्सरसं जले
मिथुनं तत्र संभृतं तस्मिन्सरसि संभृतम्
skannaṃ retaḥ satyadhṛterdṛṣṭvā cāpsarasaṃ jale
mithunaṃ tatra saṃbhṛtaṃ tasminsarasi saṃbhṛtam
- 11
ततः सरसि तस्मिंस्तु क्रममाणं महीपतिः
दृष्ट्वा जग्राह कृपया शंतनुर्मृगयां गतः
tataḥ sarasi tasmiṃstu kramamāṇaṃ mahīpatiḥ
dṛṣṭvā jagrāha kṛpayā śaṃtanurmṛgayāṃ gataḥ
- 12
एते शरद्वतः पुत्रा आख्याता गौतमा वराः
अत ऊर्ध्वं प्रवक्ष्यामि दिवोदासस्य वै प्रजाः
ete śaradvataḥ putrā ākhyātā gautamā varāḥ
ata ūrdhvaṃ pravakṣyāmi divodāsasya vai prajāḥ
- 13
दिवोदासस्य दायादो धर्मिष्ठो मित्रयुर्नृपः
मैत्रायणावरः सो ऽथ मैत्रेयस्तु ततः स्मृतः
divodāsasya dāyādo dharmiṣṭho mitrayurnṛpaḥ
maitrāyaṇāvaraḥ so 'tha maitreyastu tataḥ smṛtaḥ
- 14
एते वंश्या यतेः पक्षाः क्षत्रोपेतास्तु भार्गवाः
राजा चैद्यवरो नाम मैत्रेयस्य सुतः स्मृतः
ete vaṃśyā yateḥ pakṣāḥ kṣatropetāstu bhārgavāḥ
rājā caidyavaro nāma maitreyasya sutaḥ smṛtaḥ
- 15
अथ चैद्यवराद्विद्वान्सुदासस्तस्य चात्मजः
अजमीढः पुनर्जातः क्षीणे वंशे तु सोमकः
atha caidyavarādvidvānsudāsastasya cātmajaḥ
ajamīḍhaḥ punarjātaḥ kṣīṇe vaṃśe tu somakaḥ
- 16
सोमकस्य सुतो जन्तुर्हते तस्मिञ्छतं बभौ
पुत्राणामजमीढस्य सोमकस्य महात्मनः
somakasya suto janturhate tasmiñchataṃ babhau
putrāṇāmajamīḍhasya somakasya mahātmanaḥ
- 17
महिषी त्व् अजमीढस्य धूमिनी पुत्रवर्धिनी
पुत्राभावे तपस्तेपे शतं वर्षाणि दुश्चरम्
mahiṣī tv ajamīḍhasya dhūminī putravardhinī
putrābhāve tapastepe śataṃ varṣāṇi duścaram
- 18
हुत्वाग्निं विधिवत्सम्यक्पवित्रीकृतभोजना
अग्निहोत्रक्रमेणैव सा सुष्वाप महाव्रता
hutvāgniṃ vidhivatsamyakpavitrīkṛtabhojanā
agnihotrakrameṇaiva sā suṣvāpa mahāvratā
- 19
तस्यां वै धूमवर्णायामजमीढः समीयिवान्
ऋक्षं सा जनयामास धूमवर्णं शताग्रजम्
tasyāṃ vai dhūmavarṇāyāmajamīḍhaḥ samīyivān
ṛkṣaṃ sā janayāmāsa dhūmavarṇaṃ śatāgrajam
- 20
ऋक्षात्संवरणो जज्ञे कुरुः संवरणतः
यः प्रयागमतिक्रम्य कुरुक्षेत्रमकल्पयत्
ṛkṣātsaṃvaraṇo jajñe kuruḥ saṃvaraṇataḥ
yaḥ prayāgamatikramya kurukṣetramakalpayat
- 21
कृष्यतस्तु महाराजो वर्षाणि सुबहून्यथ
कृष्यमाणस्ततः शक्रो भयात्तस्मै वरं ददौ
kṛṣyatastu mahārājo varṣāṇi subahūnyatha
kṛṣyamāṇastataḥ śakro bhayāttasmai varaṃ dadau
- 22
पुण्यं च रमणीयं च कुरुक्षेत्रं तु तत्स्मृतम्
तस्यान्ववायः सुमहान्यस्य नाम्ना तु कौरवाः
puṇyaṃ ca ramaṇīyaṃ ca kurukṣetraṃ tu tatsmṛtam
tasyānvavāyaḥ sumahānyasya nāmnā tu kauravāḥ
- 23
कुरोस्तु दयिताः पुत्राः सुधन्वा जह्नुरेव च
परीक्षिच्च महातेजाः प्रजनश्चारिमर्दनः
kurostu dayitāḥ putrāḥ sudhanvā jahnureva ca
parīkṣicca mahātejāḥ prajanaścārimardanaḥ
- 24
सुधन्वनस्तु दायादः पुत्रो मतिमतां वरः
च्यवनस्तस्य पुत्रस्तु राजा धर्मार्थतत्त्ववित्
sudhanvanastu dāyādaḥ putro matimatāṃ varaḥ
cyavanastasya putrastu rājā dharmārthatattvavit
- 25
च्यवनस्य कृमिः पुत्र ऋक्षाज्जज्ञे महातपाः
कृमेः पुत्रो महावीर्यः ख्यातस्त्विन्द्रसमो विभुः
cyavanasya kṛmiḥ putra ṛkṣājjajñe mahātapāḥ
kṛmeḥ putro mahāvīryaḥ khyātastvindrasamo vibhuḥ
- 26
चैद्योपरिचरो वीरो वसुर्नामान्तरिक्षगः
चैद्योपरिचराज्जज्ञे गिरिका सप्त वै सुतान्
caidyoparicaro vīro vasurnāmāntarikṣagaḥ
caidyoparicarājjajñe girikā sapta vai sutān
- 27
महारथो मगधराड्विश्रुतो यो बृहद्रथः
प्रत्यश्रवाः कुशश्चैव चतुर्थो हरिवाहनः
mahāratho magadharāḍviśruto yo bṛhadrathaḥ
pratyaśravāḥ kuśaścaiva caturtho harivāhanaḥ
- 28
पञ्चमश्च यजुश्चैव मत्स्यः काली च सप्तमी
बृहद्रथस्य दायादः कुशाग्रो नाम विश्रुतः
pañcamaśca yajuścaiva matsyaḥ kālī ca saptamī
bṛhadrathasya dāyādaḥ kuśāgro nāma viśrutaḥ
- 29
कुशाग्रस्यात्मजश्चैव वृषभो नाम वीर्यवान्
वृषभस्य तु दायादः पुण्यवान्नाम पार्थिवः
kuśāgrasyātmajaścaiva vṛṣabho nāma vīryavān
vṛṣabhasya tu dāyādaḥ puṇyavānnāma pārthivaḥ
- 30
पुण्यः पुण्यवतश्चैव राजा सत्यधृतिस्ततः
दायादस्तस्य धनुषस्तस्मात्सर्वश्च जज्ञिवान्
puṇyaḥ puṇyavataścaiva rājā satyadhṛtistataḥ
dāyādastasya dhanuṣastasmātsarvaśca jajñivān

