9 shlokas
- 1
अष्टक उवाच
कतरस्त्वेतयोः पूर्वं देवानामेति सात्म्यताम्
उभयोर्धावतो राजन्सूर्यचन्द्रमसोरिव
aṣṭaka uvāca
katarastvetayoḥ pūrvaṃ devānāmeti sātmyatām
ubhayordhāvato rājansūryacandramasoriva
- 2
ययातिरुवाच
अनिकेतगृहस्थेषु कामवृत्तेषु संयतः
ग्राम एव चरन्भिक्षुस्तयोः पूर्वतरं गतः
yayātiruvāca
aniketagṛhastheṣu kāmavṛtteṣu saṃyataḥ
grāma eva caranbhikṣustayoḥ pūrvataraṃ gataḥ
- 3
अप्राप्यं दीर्घमायुश्च यः प्राप्तो विकृतिं चरेत्
तप्येत यदि तत्कृत्वा चरेत्सोग्रं तपस्ततः
aprāpyaṃ dīrghamāyuśca yaḥ prāpto vikṛtiṃ caret
tapyeta yadi tatkṛtvā caretsograṃ tapastataḥ
- 4
यद्वै नृशंसं तदपथ्यमाहुर्यः सेवते धर्ममनर्थबुद्धिः
असावनीशः स तथैव राजंस्तदार्जवं स समाधिस्तदार्यम्
yadvai nṛśaṃsaṃ tadapathyamāhuryaḥ sevate dharmamanarthabuddhiḥ
asāvanīśaḥ sa tathaiva rājaṃstadārjavaṃ sa samādhistadāryam
- 5
अष्टक उवाच
केनाद्य त्वं तु प्रहितोऽसि राजन्युवा स्रग्वी दर्शनीयः सुवर्चाः
कुत आगतः कतमस्यां दिशि त्वमुताहोस्वित्पार्थिवस्थानम् अस्ति
aṣṭaka uvāca
kenādya tvaṃ tu prahito'si rājanyuvā sragvī darśanīyaḥ suvarcāḥ
kuta āgataḥ katamasyāṃ diśi tvamutāhosvitpārthivasthānam asti
- 6
ययातिरुवाच
इमं भौमं नरकं क्षीणपुण्यः [॥। औ३ ज़ेइछेन्झ्] उर्वीं गगनाद्विप्रकीर्णः
उक्त्वाहं वः प्रपतिष्याम्य् अन [॥। औ३ ज़ेइछेन्झ्] त्वरन्त्वमी ब्रह्मणो लोकपा ये
yayātiruvāca
imaṃ bhaumaṃ narakaṃ kṣīṇapuṇyaḥ [||| au3 ja़eichenjh] urvīṃ gaganādviprakīrṇaḥ
uktvāhaṃ vaḥ prapatiṣyāmy ana [||| au3 ja़eichenjh] tvarantvamī brahmaṇo lokapā ye
- 16
ययातिरुवाच
नु तुल्यतेजाः सुकृतं हि कामये योगक्षेमं पार्थिवात्पार्थिवः सन्
दैवादेशादापदं प्राप्य विद्वांश्चरेन्नृशंसं हि न जातु राजा
yayātiruvāca
nu tulyatejāḥ sukṛtaṃ hi kāmaye yogakṣemaṃ pārthivātpārthivaḥ san
daivādeśādāpadaṃ prāpya vidvāṃścarennṛśaṃsaṃ hi na jātu rājā
- 17
धर्म्यं मार्गं चिन्तयानो यशस्यं कुर्यात्तपो धर्ममवेक्षमाणः
न मद्विधो धर्मबुद्धिर्हि राजा ह्य् एवं कुर्यात्कृपणं मां यथात्थ
dharmyaṃ mārgaṃ cintayāno yaśasyaṃ kuryāttapo dharmamavekṣamāṇaḥ
na madvidho dharmabuddhirhi rājā hy evaṃ kuryātkṛpaṇaṃ māṃ yathāttha
- 18
कुर्यामपूर्वं न कृतं यदन्यैर्विवित्समानः किम् उ तत्र साधुः
ब्रुवाणमेवं नृपतिं ययातिं नृपोत्तमो वसुमानब्रवीत्तम्
kuryāmapūrvaṃ na kṛtaṃ yadanyairvivitsamānaḥ kim u tatra sādhuḥ
bruvāṇamevaṃ nṛpatiṃ yayātiṃ nṛpottamo vasumānabravīttam

