11 shlokas
- 1
ईश्वर उवाच
अतः परं प्रवक्ष्यामि तद्वत्कमलसप्तमीम्
यस्याः संकीर्तनादेव तुष्यतीह दिवाकरः
īśvara uvāca
ataḥ paraṃ pravakṣyāmi tadvatkamalasaptamīm
yasyāḥ saṃkīrtanādeva tuṣyatīha divākaraḥ
- 2
वसन्तामलसप्तम्यां स्नातः सन्गौरसर्षपैः
तिलपात्रे च सौवर्णे विधाय कमलं शुभम्
vasantāmalasaptamyāṃ snātaḥ sangaurasarṣapaiḥ
tilapātre ca sauvarṇe vidhāya kamalaṃ śubham
- 3
वस्त्रयुग्मावृतं कृत्वा गन्धपुष्पैः समर्चयेत्
नमः कमलहस्ताय नमस्ते विश्वधारिणे
vastrayugmāvṛtaṃ kṛtvā gandhapuṣpaiḥ samarcayet
namaḥ kamalahastāya namaste viśvadhāriṇe
- 4
नमस्तुभ्यं प्रभाकर नमोऽस्तु ते
ततो द्विकालवेलायाम् उदकुम्भसमन्विताम्
namastubhyaṃ prabhākara namo'stu te
tato dvikālavelāyām udakumbhasamanvitām
- 5
दद्यात्सम्पूज्य वस्त्रमाल्यविभूषणैः
शक्त्या च कपिलां दद्यादलंकृत्य विधानतः
dadyātsampūjya vastramālyavibhūṣaṇaiḥ
śaktyā ca kapilāṃ dadyādalaṃkṛtya vidhānataḥ
- 6
अहोरात्रे गते पश्चादष्टम्यां भोजयेद्द्विजान्
यथाशक्त्यथ भुञ्जीत मांसतैलविवर्जितम्
ahorātre gate paścādaṣṭamyāṃ bhojayeddvijān
yathāśaktyatha bhuñjīta māṃsatailavivarjitam
- 7
अनेन विधिना शुक्लसप्तम्यां मासि मासि च
सर्वं समाचरेद्भक्त्या वित्तशाठ्यविवर्जितः
anena vidhinā śuklasaptamyāṃ māsi māsi ca
sarvaṃ samācaredbhaktyā vittaśāṭhyavivarjitaḥ
- 8
व्रतान्ते शयनं दद्यात्सुवर्णकमलान्वितम्
गां च दद्यात्स्वशक्त्या तु सुवर्णाढ्यां पयस्विनीम्
vratānte śayanaṃ dadyātsuvarṇakamalānvitam
gāṃ ca dadyātsvaśaktyā tu suvarṇāḍhyāṃ payasvinīm
- 9
भाजनासनदीपादीन्दद्याद् इष्टानुपस्करान्
अनेन विधिना यस्तु कुर्यात्कमलसप्तमीम्
लक्ष्मीमनन्तामभ्येति सूर्यलोके महीयते
bhājanāsanadīpādīndadyād iṣṭānupaskarān
anena vidhinā yastu kuryātkamalasaptamīm
lakṣmīmanantāmabhyeti sūryaloke mahīyate
- 10
कल्पे कल्पे लोकान्सप्त गत्वा पृथक्पृथक्
अप्सरोभिः परिवृतस्ततो याति परां गतिम्
kalpe kalpe lokānsapta gatvā pṛthakpṛthak
apsarobhiḥ parivṛtastato yāti parāṃ gatim
- 11
यः पश्यतीदं शृणुयाच्च मर्त्यः पठेच्च भक्त्याथ मतिं ददाति
सोऽप्यत्र लक्ष्मीमचलामवाप्य गन्धर्वविद्याधरलोकभाक्स्यात्
yaḥ paśyatīdaṃ śṛṇuyācca martyaḥ paṭhecca bhaktyātha matiṃ dadāti
so'pyatra lakṣmīmacalāmavāpya gandharvavidyādharalokabhāksyāt

