13 shlokas
- 1
हरिरुवाच
समये दीक्षितः शिष्यो बद्धनेत्रस्तु वाससा
अष्टाहुतिशतं तस्य मूलमन्त्रेण होमयेत्
hariruvāca
samaye dīkṣitaḥ śiṣyo baddhanetrastu vāsasā
aṣṭāhutiśataṃ tasya mūlamantreṇa homayet
- 2
द्विगुणं पुत्रके होमं त्रिगुणं साधके मतम्
निर्वाणदेशिके रुद्र चतुर्गुणमुदाहृतम्
dviguṇaṃ putrake homaṃ triguṇaṃ sādhake matam
nirvāṇadeśike rudra caturguṇamudāhṛtam
- 3
गुरुविष्णुद्विजस्त्रीणां हन्ता वध्यस्त्वदीक्षितैः
अथ दीक्षां प्रवक्ष्यामि धर्माधर्मक्षयङ्करीम्
guruviṣṇudvijastrīṇāṃ hantā vadhyastvadīkṣitaiḥ
atha dīkṣāṃ pravakṣyāmi dharmādharmakṣayaṅkarīm
- 4
उपवेश्य बहिः शिष्यान्धारणं तेषु कारयेत्
वायव्या कलया रुद्र शोष्यमाणान्विचिन्तयेत्
upaveśya bahiḥ śiṣyāndhāraṇaṃ teṣu kārayet
vāyavyā kalayā rudra śoṣyamāṇānvicintayet
- 5
आग्रेय्या दह्यमानांश्च प्लावितानम्भसा पुनः
तेजस्तेजासि तं जीवमेकीकृत्य समाक्षिपेत्
āgreyyā dahyamānāṃśca plāvitānambhasā punaḥ
tejastejāsi taṃ jīvamekīkṛtya samākṣipet
- 6
प्राणवं चिन्तयेद्व्योम्नि शरीरे ऽन्यत्तु कारणम्
एकैकं यो जयेत्तत्र क्षेत्रज्ञं देहकारणात्
prāṇavaṃ cintayedvyomni śarīre 'nyattu kāraṇam
ekaikaṃ yo jayettatra kṣetrajñaṃ dehakāraṇāt
- 7
उत्पाद्य योजयेत्पश्चादेकैकं वृषभध्वज
मण्डलादिष्वशक्तस्तु कल्पयित्वार्चयेद्धरिम्
utpādya yojayetpaścādekaikaṃ vṛṣabhadhvaja
maṇḍalādiṣvaśaktastu kalpayitvārcayeddharim
- 8
चतुर्द्वारं भवेत्तच्च ब्रह्मतीर्थादनुक्रमात्
हस्तं पद्मं समाख्यातं पत्राण्यङ्गुलयः स्मृताः
caturdvāraṃ bhavettacca brahmatīrthādanukramāt
hastaṃ padmaṃ samākhyātaṃ patrāṇyaṅgulayaḥ smṛtāḥ
- 9
कर्णिका तलहस्तं तु नखान्यस्य तु केसराः
तत्रार्चयेद्धरिं ध्यात्वा सूर्यं द्वग्नयन्तरेव च
karṇikā talahastaṃ tu nakhānyasya tu kesarāḥ
tatrārcayeddhariṃ dhyātvā sūryaṃ dvagnayantareva ca
- 10
तं हस्तं पातयेन्मूर्ध्नि शिष्यस्य तु समाहितः
हस्ते विष्णुः स्थितो यस्माद्विष्णुहस्तस्ततस्त्वयम्
नश्यन्ति स्पर्शनात्तस्य पातकान्यखिलानि च
taṃ hastaṃ pātayenmūrdhni śiṣyasya tu samāhitaḥ
haste viṣṇuḥ sthito yasmādviṣṇuhastastatastvayam
naśyanti sparśanāttasya pātakānyakhilāni ca
- 11
गुरुः शिष्यं समभ्यर्च्य नेत्रे बद्धे तु वाससा
देवस्य प्रमुखं कृत्वा पुष्पमेवार्पयेत्ततः
पुष्पं निपतितं यत्र मूर्ध्नो देवस्य शार्ङ्गिणः
guruḥ śiṣyaṃ samabhyarcya netre baddhe tu vāsasā
devasya pramukhaṃ kṛtvā puṣpamevārpayettataḥ
puṣpaṃ nipatitaṃ yatra mūrdhno devasya śārṅgiṇaḥ
- 12
तन्नाम कारयेत्तस्य स्त्रीणां नामाङ्कितं स्वयम्
शूद्राणां दाससंयुक्तं कारयेत्तु विचक्षणः
tannāma kārayettasya strīṇāṃ nāmāṅkitaṃ svayam
śūdrāṇāṃ dāsasaṃyuktaṃ kārayettu vicakṣaṇaḥ
- 13
इति श्रीगारुडे महापुराणे पूर्वखण्डे प्रथमांशाख्ये आचारकाण्डे विष्णुदीक्षानिदृ नाम नवमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇudīkṣānidṛ nāma navamo 'dhyāyaḥ

