7 shlokas
- 1
ब्रह्मोवाच
अगस्त्यार्घ्यव्रतं वक्ष्ये भुक्तिमुक्तिप्रदायकम्
अप्राप्ते भास्करे कन्यां सति भागे त्रिभिर्दिनैः
brahmovāca
agastyārghyavrataṃ vakṣye bhuktimuktipradāyakam
aprāpte bhāskare kanyāṃ sati bhāge tribhirdinaiḥ
- 2
अर्घ्यं दद्यादगस्त्याय मूर्तिं सम्पूज्य वै मुने
काशपुष्पमयीं कुम्भे प्रदोषे कृतजागरः
arghyaṃ dadyādagastyāya mūrtiṃ sampūjya vai mune
kāśapuṣpamayīṃ kumbhe pradoṣe kṛtajāgaraḥ
- 3
दध्यक्षताद्यैः सम्पूज्य उपोष्य फलपुष्पकैः
पञ्चवर्णसमायुक्तं हेमरौप्यसमन्वितम्
dadhyakṣatādyaiḥ sampūjya upoṣya phalapuṣpakaiḥ
pañcavarṇasamāyuktaṃ hemaraupyasamanvitam
- 4
सप्तधान्ययुतं पात्रं दधिचन्दनचर्चितम्
अगस्त्यः खनमानेति मन्त्रेणार्घ्यं प्रदापयेत्
saptadhānyayutaṃ pātraṃ dadhicandanacarcitam
agastyaḥ khanamāneti mantreṇārghyaṃ pradāpayet
- 5
खासपुष्पप्रतीकाश अग्निमारुतसम्भव
मित्रावारुणयोः पुत्रो कुम्भयोने नमो ऽस्तु ते
khāsapuṣpapratīkāśa agnimārutasambhava
mitrāvāruṇayoḥ putro kumbhayone namo 'stu te
- 6
शूद्रस्त्र्यादिरनेनैव त्यजेद्धान्यं फलं रसम्
दद्याद्द्विजातये कुम्भं सहिरण्यं सदक्षिणम्
भोजयेच्च द्विजान्सप्त वर्षं कृत्वा तु सर्वभाक्
śūdrastryādiranenaiva tyajeddhānyaṃ phalaṃ rasam
dadyāddvijātaye kumbhaṃ sahiraṇyaṃ sadakṣiṇam
bhojayecca dvijānsapta varṣaṃ kṛtvā tu sarvabhāk
- 7
इति श्रीगारुडे महापुराणे प्रथमांशाख्ये आचारकाण्डे ऽगस्त्यार्घ्यव्रतं नामैकोनविंशत्युत्तरशततमो ऽध्यायः
iti śrīgāruḍe mahāpurāṇe prathamāṃśākhye ācārakāṇḍe 'gastyārghyavrataṃ nāmaikonaviṃśatyuttaraśatatamo 'dhyāyaḥ

