8 shlokas
- 1
ब्रह्मोवाच
नवम्यामाश्विने शुक्ले एकभक्तेन पूजयेत्
देवीं विप्रंल्लक्षम् एकं जपेद्वीरं व्रती नरः
brahmovāca
navamyāmāśvine śukle ekabhaktena pūjayet
devīṃ vipraṃllakṣam ekaṃ japedvīraṃ vratī naraḥ
- 2
ब्रह्मोवाच
चैत्रे शुक्लनवम्यां च देवीं दमनकैर्यजेत्
आयुरारोग्यसौभाग्यं शत्रुभिश्चापराजितः
brahmovāca
caitre śuklanavamyāṃ ca devīṃ damanakairyajet
āyurārogyasaubhāgyaṃ śatrubhiścāparājitaḥ
- 3
ब्रह्मोवाच
दशम्यामेकभक्ताशी समान्ते दशधेनुदः
दिशश्च काञ्चनीर्दत्त्वा ब्रह्माण्डाधिपतिर्भवेत्
brahmovāca
daśamyāmekabhaktāśī samānte daśadhenudaḥ
diśaśca kāñcanīrdattvā brahmāṇḍādhipatirbhavet
- 4
ब्रह्मोवाच
एकादश्यामृषिपूजा कार्या सर्वोपकारिका
धनवान्पुत्रवांश्चान्ते ऋषिलोके महीयते
brahmovāca
ekādaśyāmṛṣipūjā kāryā sarvopakārikā
dhanavānputravāṃścānte ṛṣiloke mahīyate
- 5
मरीचिर् अत्र्यङ्गिरसौ पुलस्त्यः पुलहः क्रतुः
प्रचेताश्च वसिष्ठश्च भृगुर्नारद एव च
marīcir atryaṅgirasau pulastyaḥ pulahaḥ kratuḥ
pracetāśca vasiṣṭhaśca bhṛgurnārada eva ca
- 6
चैत्रादौ कारयेत्पूजां माल्यैश्च दमनोद्भवैः
अशोकाख्याष्टमी प्रोक्ता वीराख्या नवमी तथा
caitrādau kārayetpūjāṃ mālyaiśca damanodbhavaiḥ
aśokākhyāṣṭamī proktā vīrākhyā navamī tathā
- 7
दमनाख्या दिग्दशमी नवम्येकादशी तथा
damanākhyā digdaśamī navamyekādaśī tathā
- 8
इति श्रीगारुडे महापुराणे पूर्वखण्डे प्रथमांशाख्ये आचारकाण्डे ऋष्येकादशीव्रतं नाम पञ्चत्रिंशदुत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ṛṣyekādaśīvrataṃ nāma pañcatriṃśaduttaraśatatamo 'dhyāyaḥ

