15 shlokas
- 1
हरिरुवाच
प्रवक्ष्याम्यधुना ह्येतद्वैष्णवं पञ्जरं शुभम्
नमोनमस्ते मोविदं चक्रं गृह्य सुदर्शनम्
hariruvāca
pravakṣyāmyadhunā hyetadvaiṣṇavaṃ pañjaraṃ śubham
namonamaste movidaṃ cakraṃ gṛhya sudarśanam
- 2
प्राच्यां रक्षस्व मां विष्णो त्वामहं शरणं गतः
गदां कौमोदकीं गृह्ण पद्मनाभ नमो ऽस्त ते
prācyāṃ rakṣasva māṃ viṣṇo tvāmahaṃ śaraṇaṃ gataḥ
gadāṃ kaumodakīṃ gṛhṇa padmanābha namo 'sta te
- 3
याम्यां रक्षस्व मां विष्णो त्वामहं शरणं गतः
हलमादाय सौनन्दे नमस्ते पुरुषोत्तम
yāmyāṃ rakṣasva māṃ viṣṇo tvāmahaṃ śaraṇaṃ gataḥ
halamādāya saunande namaste puruṣottama
- 4
प्रतीच्यां रक्ष मां विष्णो त्वामहं शरणं गतः
मुसलं शातनं गृह्य पुण्डरीकाक्ष रक्ष माम्
pratīcyāṃ rakṣa māṃ viṣṇo tvāmahaṃ śaraṇaṃ gataḥ
musalaṃ śātanaṃ gṛhya puṇḍarīkākṣa rakṣa mām
- 5
उत्तरस्यां जगन्नाथ भवन्तं शरणं गतः
खड्गमादाय चर्माथ अस्त्रशास्त्रादिकं हरे
uttarasyāṃ jagannātha bhavantaṃ śaraṇaṃ gataḥ
khaḍgamādāya carmātha astraśāstrādikaṃ hare
- 6
नमस्ते रक्ष रक्षोघ्न ऐशान्यां शरणं गतः
पाञ्चजन्यं महाशङ्खम् अनुघोष्यं च पङ्कजम्
namaste rakṣa rakṣoghna aiśānyāṃ śaraṇaṃ gataḥ
pāñcajanyaṃ mahāśaṅkham anughoṣyaṃ ca paṅkajam
- 7
प्रगृह्य रक्ष मां विष्णो आग्नेय्यां रक्ष सूकर
चन्द्रसूर्यं समागृह्य खड्गं चान्द्रमसं तथा
pragṛhya rakṣa māṃ viṣṇo āgneyyāṃ rakṣa sūkara
candrasūryaṃ samāgṛhya khaḍgaṃ cāndramasaṃ tathā
- 8
नैरृत्यां मां च रक्षस्व दिव्यमूर्ते नृकेसरिन्
वैजयन्तीं स्म प्रगृह्य श्रीवत्सं कण्ठभूषणम्
nairṛtyāṃ māṃ ca rakṣasva divyamūrte nṛkesarin
vaijayantīṃ sma pragṛhya śrīvatsaṃ kaṇṭhabhūṣaṇam
- 9
वायव्यां रक्ष मां देव हयग्रीव नमो ऽस्तु ते
वैनतेयं समारुह्य त्वन्तरिक्षे जनार्दन
vāyavyāṃ rakṣa māṃ deva hayagrīva namo 'stu te
vainateyaṃ samāruhya tvantarikṣe janārdana
- 10
मां रक्षस्वाजित सदा नमस्ते ऽस्त्वपराजित
विशालाक्षं समारुह्य रक्ष मां त्वं रसातले
māṃ rakṣasvājita sadā namaste 'stvaparājita
viśālākṣaṃ samāruhya rakṣa māṃ tvaṃ rasātale
- 11
अकूपार नमस्तुभ्यं महामीन नमो ऽस्तु ते
करशीर्षाद्यङ्गुलीषु सत्य त्वं बाहुपञ्जरम्
akūpāra namastubhyaṃ mahāmīna namo 'stu te
karaśīrṣādyaṅgulīṣu satya tvaṃ bāhupañjaram
- 12
कृत्वा रक्षस्व मां विष्णो नमस्ते पुरुषोत्तम
एतदुक्तं शङ्कराय वैष्णवं पञ्जरं महत्
kṛtvā rakṣasva māṃ viṣṇo namaste puruṣottama
etaduktaṃ śaṅkarāya vaiṣṇavaṃ pañjaraṃ mahat
- 13
पुरा रक्षार्थमीशान्याः कात्यायन्या वृषध्वज
नाशयामास सा येन चामरान्महिषासुरम्
purā rakṣārthamīśānyāḥ kātyāyanyā vṛṣadhvaja
nāśayāmāsa sā yena cāmarānmahiṣāsuram
- 14
दानवं रक्तबीजं च अन्यांश्च सुरकण्टकान्
एतज्जपन्नरो भक्त्या शत्रून्विजयते सदा
dānavaṃ raktabījaṃ ca anyāṃśca surakaṇṭakān
etajjapannaro bhaktyā śatrūnvijayate sadā
- 15
इति श्रीगारुडे पूर्वखण्डे प्रथमांशाख्ये आचारकाण्डे विष्णुपञ्जरस्तोत्रं नाम त्रयोदशो ऽध्यायः
iti śrīgāruḍe pūrvakhaṇḍe prathamāṃśākhye ācārakāṇḍe viṣṇupañjarastotraṃ nāma trayodaśo 'dhyāyaḥ

