6 shlokas
- 1
सूत उवाच
पतिताया हिमाद्रौ तु त्वचस्तस्य सुरद्विषः
प्रादुर्भवन्ति ताभ्यस्तु पुष्परागा महागुणाः
sūta uvāca
patitāyā himādrau tu tvacastasya suradviṣaḥ
prādurbhavanti tābhyastu puṣparāgā mahāguṇāḥ
- 2
आपीतपाण्डुरुचिरः पाषाणः पद्मरागसंज्ञस्तु
कौकण्टकनामा स्यात्स एव यदि लोहितापीतः
āpītapāṇḍuruciraḥ pāṣāṇaḥ padmarāgasaṃjñastu
kaukaṇṭakanāmā syātsa eva yadi lohitāpītaḥ
- 3
आलोहितस्तु पीतः स्वच्छः काषायकः स एकोक्तः
आनीलशुक्लवर्णः स्निग्धः सोमालकः सगुणः
ālohitastu pītaḥ svacchaḥ kāṣāyakaḥ sa ekoktaḥ
ānīlaśuklavarṇaḥ snigdhaḥ somālakaḥ saguṇaḥ
- 4
अत्यन्तलोहितो यः स एव खलु पद्मरागसंज्ञः स्यात्
अपि चेन्द्रनीलसंज्ञः स एव कथितः सुनीलः सन्
atyantalohito yaḥ sa eva khalu padmarāgasaṃjñaḥ syāt
api cendranīlasaṃjñaḥ sa eva kathitaḥ sunīlaḥ san
- 5
मूल्यं वैदूर्यमणेरिव गदितं ह्यस्य रत्नसारविदा
धारणफलं च तद्वत्किंतु स्त्रीणां सुतप्रदो भवति
mūlyaṃ vaidūryamaṇeriva gaditaṃ hyasya ratnasāravidā
dhāraṇaphalaṃ ca tadvatkiṃtu strīṇāṃ sutaprado bhavati
- 6
इति श्रीगारुडे महापुराणे पूर्वखण्डे प्रथमांशाख्ये आचारकाण्डे पुष्परागपरीक्षणं नाम चतुःसप्ततितमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe puṣparāgaparīkṣaṇaṃ nāma catuḥsaptatitamo 'dhyāyaḥ

