8 shlokas
- 1
पितामह उवाच
मान्धाता चक्रवर्त्यासीदुपोष्यैकादशीं नृपः
एकादश्यां न भुञ्जीत पक्षयोर् उभयोर् अपि
pitāmaha uvāca
māndhātā cakravartyāsīdupoṣyaikādaśīṃ nṛpaḥ
ekādaśyāṃ na bhuñjīta pakṣayor ubhayor api
- 2
दशम्येकादशीमिश्रा गान्धार्या समुपोषिता
तस्याः पुत्रशतं नष्टं तस्मात्तां परिवर्जयेत्
daśamyekādaśīmiśrā gāndhāryā samupoṣitā
tasyāḥ putraśataṃ naṣṭaṃ tasmāttāṃ parivarjayet
- 3
द्वादश्येकादशी यत्र तत्र संनिहितो हरिः
दशम्येकादशी यत्र तत्र संनिहितो ऽसुरः
बहुवाक्यविरोधेन सन्देहो जायते यदा
dvādaśyekādaśī yatra tatra saṃnihito hariḥ
daśamyekādaśī yatra tatra saṃnihito 'suraḥ
bahuvākyavirodhena sandeho jāyate yadā
- 4
द्वादशी तु तदा ग्राह्या त्रयोदश्यां तु पारणम्
एकादशी कलापिस्याद् उपोष्या द्वादशी तथा
dvādaśī tu tadā grāhyā trayodaśyāṃ tu pāraṇam
ekādaśī kalāpisyād upoṣyā dvādaśī tathā
- 5
एकादशी द्वादशी च विशेषेण त्रयोदशी
त्रिमिश्रा सा तिथिर्ग्राह्या सर्वपापहरा शुभा
ekādaśī dvādaśī ca viśeṣeṇa trayodaśī
trimiśrā sā tithirgrāhyā sarvapāpaharā śubhā
- 6
एकादशीम् उपोष्यैव द्वादशीम् अथवा द्विज
त्रिमिश्रां चैव कुर्वीत न दशम्या युतां क्वचित्
ekādaśīm upoṣyaiva dvādaśīm athavā dvija
trimiśrāṃ caiva kurvīta na daśamyā yutāṃ kvacit
- 7
रात्रौ जागरणं कुर्वन्पुराणश्रवणं नृपः
गदाधरं पूजयंश्च उपोष्यैकादशीद्वयम्
रुक्माङ्गदो ययौ मोक्षमन्ये चैकादशीव्रतम्
rātrau jāgaraṇaṃ kurvanpurāṇaśravaṇaṃ nṛpaḥ
gadādharaṃ pūjayaṃśca upoṣyaikādaśīdvayam
rukmāṅgado yayau mokṣamanye caikādaśīvratam
- 8
इति श्रीगारुडे महापुराणे पूर्वखण्डे प्रथमांशाख्ये आचारकाण्डे एकादशीमाहात्म्यं नाम पञ्चविंशत्युत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma pañcaviṃśatyuttaraśatatamo 'dhyāyaḥ

