11 shlokas
- 1
सूत उवाच
वक्ष्ये गणादिकाः पूजाः सर्वदा स्वर्गदाः पराः
गणासनं गणमूर्ति गणाधिपतिमर्चयेत्
sūta uvāca
vakṣye gaṇādikāḥ pūjāḥ sarvadā svargadāḥ parāḥ
gaṇāsanaṃ gaṇamūrti gaṇādhipatimarcayet
- 2
गामादिहृदयाद्यङ्गं दुर्गाया गुरुपादुकाः
दुर्गासनं च तन्मूर्तिं ह्रीं दुर्गे रक्षणीति च
gāmādihṛdayādyaṅgaṃ durgāyā gurupādukāḥ
durgāsanaṃ ca tanmūrtiṃ hrīṃ durge rakṣaṇīti ca
- 3
हृदादिकं नव शक्त्यो रुद्रचण्डा प्रचण्डया
चण्डोग्रा चण्डनायिका चण्डा चण्डवती क्रमात्
hṛdādikaṃ nava śaktyo rudracaṇḍā pracaṇḍayā
caṇḍogrā caṇḍanāyikā caṇḍā caṇḍavatī kramāt
- 4
चणारूपा चण्डिकाख्या दुर्गे दुर्गे ऽथ रक्षिणि
वज्रखड्गादिका मुद्राः शिवाद्या वह्निदेशतः
caṇārūpā caṇḍikākhyā durge durge 'tha rakṣiṇi
vajrakhaḍgādikā mudrāḥ śivādyā vahnideśataḥ
- 5
सदाशिवमहाप्रेतपद्मासनम् अथापि वा
ऐं क्लीं सौस्त्रिपुरायै नमः
ॐ ह्रां ह्रीं क्षें क्षैं स्त्रीं स्कीं रों स्फें स्फीं शां पद्मासनं च मूर्तिं च त्रिपुराहृदयादिकम्
sadāśivamahāpretapadmāsanam athāpi vā
aiṃ klīṃ saustripurāyai namaḥ
oṃ hrāṃ hrīṃ kṣeṃ kṣaiṃ strīṃ skīṃ roṃ spheṃ sphīṃ śāṃ padmāsanaṃ ca mūrtiṃ ca tripurāhṛdayādikam
- 6
पीठाम्बुजे तु ब्राहयादीर्ब्रह्माणी च महेश्वरी
कौमारी वैष्णवी पूज्या वाराही चेन्द्रदेवता
pīṭhāmbuje tu brāhayādīrbrahmāṇī ca maheśvarī
kaumārī vaiṣṇavī pūjyā vārāhī cendradevatā
- 7
चामुण्डा चण्डिका पूज्या भैरवाख्यांस्ततो यजेत्
असिताङ्गो रुरुश्चण्डः क्रोध उन्मत्तभैरवः
cāmuṇḍā caṇḍikā pūjyā bhairavākhyāṃstato yajet
asitāṅgo ruruścaṇḍaḥ krodha unmattabhairavaḥ
- 8
कपाली भीषणश्चैव संहारश्चाष्ट भैरवाः
रतिः प्रीतिः कामदेवः पञ्च बाणाश्च योगिनी
kapālī bhīṣaṇaścaiva saṃhāraścāṣṭa bhairavāḥ
ratiḥ prītiḥ kāmadevaḥ pañca bāṇāśca yoginī
- 9
वटुकं दुर्गया विघ्नराजो गुरुश्च क्षेत्रपः
पद्मगर्भे मण्डले च त्रिकोणे चिन्तयेद्धृदि
vaṭukaṃ durgayā vighnarājo guruśca kṣetrapaḥ
padmagarbhe maṇḍale ca trikoṇe cintayeddhṛdi
- 10
शुक्लां वरदाक्षसूत्रपुस्ताभयसमन्विताम्
लक्षजप्याच्च होमाच्च त्रिपुरा सिद्धिदा भवेत्
śuklāṃ varadākṣasūtrapustābhayasamanvitām
lakṣajapyācca homācca tripurā siddhidā bhavet
- 11
इति श्रीगारुडे महापुराणे पूर्वखण्डे प्रथमांशाख्ये आचारकाण्डे त्रिपुरादिपूजानिरूपणं नाम चतुर्विंशो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe tripurādipūjānirūpaṇaṃ nāma caturviṃśo 'dhyāyaḥ

