42 shlokas
- 1
हरिरुवाच
जनमेजयः पुरोश्चाभून्नमस्युर्जनमेजयात्
तस्य पुत्रश्चाभयदः सुद्युश्चाभयदादभूत्
hariruvāca
janamejayaḥ puroścābhūnnamasyurjanamejayāt
tasya putraścābhayadaḥ sudyuścābhayadādabhūt
- 2
सुद्योर्बहुगतिः पुत्रः संजातिस्तस्य चात्मजः
वत्सजातिश्च संजातेः रौद्राश्वश्च तदात्मजः
sudyorbahugatiḥ putraḥ saṃjātistasya cātmajaḥ
vatsajātiśca saṃjāteḥ raudrāśvaśca tadātmajaḥ
- 3
ऋतेयुः स्थण्डिलेयुश्च कक्षेयुश्च कृतेयुकः
जलेयुः संततेयुश्च रौद्राश्वस्य सुता वराः
ṛteyuḥ sthaṇḍileyuśca kakṣeyuśca kṛteyukaḥ
jaleyuḥ saṃtateyuśca raudrāśvasya sutā varāḥ
- 4
रतिनार ऋतेयोश्च तस्य प्रतिरथः सुतः
तस्य मेधातिथिः पुत्रस्तत्पुत्रश्चैनिलः स्मृतः
ratināra ṛteyośca tasya pratirathaḥ sutaḥ
tasya medhātithiḥ putrastatputraścainilaḥ smṛtaḥ
- 5
ऐनिलस्य तु दुष्यन्तो भरतस्तस्य चात्मजः
शकुन्तलायां संजज्ञे वितथो भरतादभूत्
ainilasya tu duṣyanto bharatastasya cātmajaḥ
śakuntalāyāṃ saṃjajñe vitatho bharatādabhūt
- 6
वितथस्य सुतो मन्युर्मन्योश्चैव नरः स्मृतः
नरस्य संकृतिः पुत्रो गर्गो वै संकृतेः सुतः
vitathasya suto manyurmanyoścaiva naraḥ smṛtaḥ
narasya saṃkṛtiḥ putro gargo vai saṃkṛteḥ sutaḥ
- 7
गर्गाद् अमन्युः पुत्रो वै शिनिः पुत्रो व्यजायत
मन्युपुत्रान्महावीर्यात्सुतो ऽभवदुरुक्षयः
gargād amanyuḥ putro vai śiniḥ putro vyajāyata
manyuputrānmahāvīryātsuto 'bhavadurukṣayaḥ
- 8
उरुक्षयात्त्रय्यारुणिर्व्यूहक्षत्राच्च मन्युजात्
सुहोत्रस्तस्य हस्ती च अजमीढद्विमीढकौ
urukṣayāttrayyāruṇirvyūhakṣatrācca manyujāt
suhotrastasya hastī ca ajamīḍhadvimīḍhakau
- 9
हस्तिनः पुरुमीढश्च कण्वो ऽभूदजमीढतः
कण्वान्मेधातिथिर्जज्ञे यतः काण्वायना द्विजाः
hastinaḥ purumīḍhaśca kaṇvo 'bhūdajamīḍhataḥ
kaṇvānmedhātithirjajñe yataḥ kāṇvāyanā dvijāḥ
- 10
अजमीढाद्बृहदिषुस्तत्पुत्रश्च बृहद्धनुः
बृहत्कर्मा तस्य पुत्रस्तस्य पुत्रो जयद्रथः
ajamīḍhādbṛhadiṣustatputraśca bṛhaddhanuḥ
bṛhatkarmā tasya putrastasya putro jayadrathaḥ
- 11
जयद्रथाद्विश्वजिच्च सेनजिच्च तदात्मजः
रुचिराश्वः सेनजितः पृथुसेनस्तदात्मजः
jayadrathādviśvajicca senajicca tadātmajaḥ
rucirāśvaḥ senajitaḥ pṛthusenastadātmajaḥ
- 12
पारस्तु पृथुसेनस्य पाराद्द्वीपो ऽभवन्नृपः
नृपस्य सृमरः पुत्रः सुकृतिश्च पृथोः सुतः
pārastu pṛthusenasya pārāddvīpo 'bhavannṛpaḥ
nṛpasya sṛmaraḥ putraḥ sukṛtiśca pṛthoḥ sutaḥ
- 13
विभ्राजः सुकृतेः पुत्रो विभ्राजाद् अश्वहो ऽभवत्
कृत्यां तस्माद्ब्रह्मदत्तो विष्वक्सेनस्तदात्मजः
vibhrājaḥ sukṛteḥ putro vibhrājād aśvaho 'bhavat
kṛtyāṃ tasmādbrahmadatto viṣvaksenastadātmajaḥ
- 14
यवीनरो द्विमीढस्य धृतिमांश्च यवीनरात्
धृतिमतः सत्यधृतिर्दृढनेमिस्तदात्मजः
yavīnaro dvimīḍhasya dhṛtimāṃśca yavīnarāt
dhṛtimataḥ satyadhṛtirdṛḍhanemistadātmajaḥ
- 15
दृढनेमेः सुपार्श्वो ऽभूत्सुपार्श्वात्सन्नतिस्तथा
कृतस्तु सन्नतेः पुत्रः कृतादुग्रायुधो ऽभवत्
dṛḍhanemeḥ supārśvo 'bhūtsupārśvātsannatistathā
kṛtastu sannateḥ putraḥ kṛtādugrāyudho 'bhavat
- 16
उग्रायुधाच्च क्षेम्यौ ऽभूत्सुधीरस्तु तदात्मजः
पुरञ्जयः सुधीराच्च तस्य पुत्रो विदूरथः
ugrāyudhācca kṣemyau 'bhūtsudhīrastu tadātmajaḥ
purañjayaḥ sudhīrācca tasya putro vidūrathaḥ
- 17
अजमीढान्नलिन्यां च नीलो नाम नृपो ऽभवत्
नीलाच्छान्तिरभूत्पुत्रः सुशान्तिस्तस्य चात्मजः
ajamīḍhānnalinyāṃ ca nīlo nāma nṛpo 'bhavat
nīlācchāntirabhūtputraḥ suśāntistasya cātmajaḥ
- 18
सुशान्तेश्च पुरुर्जातो ह्यर्कस्तस्य सुतो ऽभवत्
अर्कस्य चैव हर्यश्वो हर्यश्वान्मुकुलो ऽभवत्
suśānteśca pururjāto hyarkastasya suto 'bhavat
arkasya caiva haryaśvo haryaśvānmukulo 'bhavat
- 19
यवीनरो बृहद्भानुः कम्पिल्लः सृञ्जयस्तथा
पाञ्चालान्मुकुलाज्जज्ञे शरद्वान्वैष्णवो महान्
yavīnaro bṛhadbhānuḥ kampillaḥ sṛñjayastathā
pāñcālānmukulājjajñe śaradvānvaiṣṇavo mahān
- 20
दिवोदासो द्वितीयो ऽस्य ह्यहल्यायां शरद्वतः
शतानन्दो ऽभवत्पुत्रस्तस्य सत्यधृतिः सतः
divodāso dvitīyo 'sya hyahalyāyāṃ śaradvataḥ
śatānando 'bhavatputrastasya satyadhṛtiḥ sataḥ
- 21
कृपः कृपी सत्यधृतेरुर्वश्यां वीर्यहानितः
द्रोणपत्नी कृपी जज्ञे अश्वत्थामानमुत्तमम्
kṛpaḥ kṛpī satyadhṛterurvaśyāṃ vīryahānitaḥ
droṇapatnī kṛpī jajñe aśvatthāmānamuttamam
- 22
दिवोदासान्मित्रयुश्च मित्रयोश्च्यवनो ऽभवत्
सुदासश्च्यवनाज्जज्ञे सौदासस्तस्य चात्मजः
divodāsānmitrayuśca mitrayoścyavano 'bhavat
sudāsaścyavanājjajñe saudāsastasya cātmajaḥ
- 23
सहदेवस्तस्य पुत्रः सहदेवात्तु सोमकः
जन्तुस्तु सोमकाज्जज्ञे पृषतश्चापरो महान्
sahadevastasya putraḥ sahadevāttu somakaḥ
jantustu somakājjajñe pṛṣataścāparo mahān
- 24
पृषताद्द्रुपदो जज्ञे धृष्टद्युम्नस्ततो ऽभवत्
धृष्टद्युम्नाद्धृष्टकेतुरृक्षो ऽभूतजमीढतः
pṛṣatāddrupado jajñe dhṛṣṭadyumnastato 'bhavat
dhṛṣṭadyumnāddhṛṣṭaketurṛkṣo 'bhūtajamīḍhataḥ
- 25
ऋक्षात्संवरणो जज्ञे कुरुः संवरणादभूत्
सुधनुश्च पीक्षिच्च जह्नुश्चैव कुरोः सुताः
ṛkṣātsaṃvaraṇo jajñe kuruḥ saṃvaraṇādabhūt
sudhanuśca pīkṣicca jahnuścaiva kuroḥ sutāḥ
- 26
सुधनुषः सुहोत्रो ऽभूच्च्यवनो ऽभूत्सुहोत्रतः
च्यवनात्कृतको जज्ञे तथोपरिचरो वसुः
sudhanuṣaḥ suhotro 'bhūccyavano 'bhūtsuhotrataḥ
cyavanātkṛtako jajñe tathoparicaro vasuḥ
- 27
बृहद्रथश्च प्रत्यग्रः सत्याद्याश्च वसोः सुताः
बृहद्रथात्कुशाग्रश्च कुशाग्रादृषभो ऽभवत्
bṛhadrathaśca pratyagraḥ satyādyāśca vasoḥ sutāḥ
bṛhadrathātkuśāgraśca kuśāgrādṛṣabho 'bhavat
- 28
ऋषभात्पुष्पवांस्तस्माज्जज्ञे सत्यहितो नृपः
सत्यहितात्सुधन्वाभूज्जह्नुश्चैव सुधन्वनः
ṛṣabhātpuṣpavāṃstasmājjajñe satyahito nṛpaḥ
satyahitātsudhanvābhūjjahnuścaiva sudhanvanaḥ
- 29
बृहद्रथाज्जरासन्धः सहदेवस्तदात्मजः
सहदेवाच्च च सोमापिः सोमापेः श्रुतवान्सुतः
bṛhadrathājjarāsandhaḥ sahadevastadātmajaḥ
sahadevācca ca somāpiḥ somāpeḥ śrutavānsutaḥ
- 30
भीमसेनोग्रसेनौ च श्रुतसेनो ऽपराजितः
जनमेजयस्तथान्यो ऽभूज्जह्नोस्तु सुरथो ऽभवत्
bhīmasenograsenau ca śrutaseno 'parājitaḥ
janamejayastathānyo 'bhūjjahnostu suratho 'bhavat

