10 shlokas
- 1
ब्रह्मोवाच
चातुर्मास्यव्रतान्यूचे एकादश्यां समाचरेत्
आषाढ्यां पौर्णमास्यां वा सर्वेण हरिम् अर्च्य च
brahmovāca
cāturmāsyavratānyūce ekādaśyāṃ samācaret
āṣāḍhyāṃ paurṇamāsyāṃ vā sarveṇa harim arcya ca
- 2
इदं व्रतं मया देव गृहीतं पुरतस्तव
निर्विघ्नं सिद्धिमाप्नोतु प्रसन्ने त्वयि केशव
idaṃ vrataṃ mayā deva gṛhītaṃ puratastava
nirvighnaṃ siddhimāpnotu prasanne tvayi keśava
- 3
गृहीते ऽस्मिन्व्रते देव यद्यपूर्णे म्रियाम्यहम्
तन्मे भवतु सम्पूर्णं त्वत्प्रसादाज्जनार्दन
gṛhīte 'sminvrate deva yadyapūrṇe mriyāmyaham
tanme bhavatu sampūrṇaṃ tvatprasādājjanārdana
- 4
एवमभ्यर्च्य गृह्णीयाद्व्रतार्चनजपादिकम्
सर्वाघं च क्षयं याति चिकीर्षेद्यो हरेर्व्रतम्
evamabhyarcya gṛhṇīyādvratārcanajapādikam
sarvāghaṃ ca kṣayaṃ yāti cikīrṣedyo harervratam
- 5
स्नात्वा यो ऽभ्यर्च्य गृह्णीयाद्व्रतार्चनजपादिकम्
स्नात्वा यच्चतुरो मासानेकभक्तेन पूजयेत्
विष्णुं स याति विष्णोर्व लोकं मलविवर्जितम्
snātvā yo 'bhyarcya gṛhṇīyādvratārcanajapādikam
snātvā yaccaturo māsānekabhaktena pūjayet
viṣṇuṃ sa yāti viṣṇorva lokaṃ malavivarjitam
- 6
मद्यमांससुरात्यागी वेदविद्धरिपूजनात्
तैलवर्जि विष्णुलोकं विष्णुभाक्कृच्छ्रपादकृत्
madyamāṃsasurātyāgī vedaviddharipūjanāt
tailavarji viṣṇulokaṃ viṣṇubhākkṛcchrapādakṛt
- 7
एकरात्रोपवासाच्च देवो वैमानिको भवेत्
श्वेतद्वीपं त्रिरात्रात्तु व्रजेत्षष्ठान्नकृन्नरः
ekarātropavāsācca devo vaimāniko bhavet
śvetadvīpaṃ trirātrāttu vrajetṣaṣṭhānnakṛnnaraḥ
- 8
चान्द्रायणाद्धरेर्धाम लभेन्मुक्तिम् अयाचिताम्
प्राजापत्यं विष्णुलोकं पराकव्रतकृद्धरिम्
cāndrāyaṇāddharerdhāma labhenmuktim ayācitām
prājāpatyaṃ viṣṇulokaṃ parākavratakṛddharim
- 9
सक्तुयावकभिक्षाशी पयोदधिघृताशनः
गोमूत्रयावकाहारः पञ्चगव्यकृताशनः
शाकमलफलाद्याशी रसवर्जो च विष्णुभाक्
saktuyāvakabhikṣāśī payodadhighṛtāśanaḥ
gomūtrayāvakāhāraḥ pañcagavyakṛtāśanaḥ
śākamalaphalādyāśī rasavarjo ca viṣṇubhāk
- 10
इति श्रीगारुडे महापुराणे पूर्वखण्डे प्रथमांशाख्ये आचारकाण्डे चातुर्मास्यव्रतनिरूपणं नामकावशत्युत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe cāturmāsyavratanirūpaṇaṃ nāmakāvaśatyuttaraśatatamo 'dhyāyaḥ

