12 shlokas
- 1
ब्रह्मोवाच
रम्भातृतीयां वक्ष्ये च सौभाग्यश्रीसुतादिदाम्
मार्गशीर्षे सिते पक्षे तृतीयायामुपोषितः
brahmovāca
rambhātṛtīyāṃ vakṣye ca saubhāgyaśrīsutādidām
mārgaśīrṣe site pakṣe tṛtīyāyāmupoṣitaḥ
- 2
गौरीं यजेद्बिल्वपत्रैः कुशोदककरस्ततः
कदम्बादौ गिरिसुतां पौषे मरुबकैर्यजेत्
gaurīṃ yajedbilvapatraiḥ kuśodakakarastataḥ
kadambādau girisutāṃ pauṣe marubakairyajet
- 3
कर्पूरादः कृसरदो मल्लिकादन्तकाष्ठकृत्
माघेषु भद्रां कल्हारैर्घृताशो मण्डकप्रदः
karpūrādaḥ kṛsarado mallikādantakāṣṭhakṛt
māgheṣu bhadrāṃ kalhārairghṛtāśo maṇḍakapradaḥ
- 4
गीतीमयं दन्तकाष्ठं फाल्गुने गोमतीं यजेत्
कुन्दैः कृत्वा दन्तकाष्ठं जीवाशः शष्कुलीप्रदः
gītīmayaṃ dantakāṣṭhaṃ phālgune gomatīṃ yajet
kundaiḥ kṛtvā dantakāṣṭhaṃ jīvāśaḥ śaṣkulīpradaḥ
- 5
विशालाक्षीं दमनकैश्चैत्रे च कृसरप्रदः
दधिप्राशो दन्तकाष्ठं तगरं श्रीमुखीं यजेत्
viśālākṣīṃ damanakaiścaitre ca kṛsarapradaḥ
dadhiprāśo dantakāṣṭhaṃ tagaraṃ śrīmukhīṃ yajet
- 6
वैशाखे कर्णिकारैश्च अशोकाशो वटप्रदः
ज्येष्ठे नारायणीमर्चेच्छतपत्रैश्च खण्डदः
लवङ्गाशो भवेदेव आषाढे माधवीं यजेत्
vaiśākhe karṇikāraiśca aśokāśo vaṭapradaḥ
jyeṣṭhe nārāyaṇīmarcecchatapatraiśca khaṇḍadaḥ
lavaṅgāśo bhavedeva āṣāḍhe mādhavīṃ yajet
- 7
तिलाशो बिल्वपत्रैश्च क्षीरान्नवटकप्रदः
औदुम्बरं दन्तकाष्ठं तगर्याः श्रावणे श्रियम्
tilāśo bilvapatraiśca kṣīrānnavaṭakapradaḥ
audumbaraṃ dantakāṣṭhaṃ tagaryāḥ śrāvaṇe śriyam
- 8
दन्तकाष्ठं मल्लिकायाः क्षीरदो ह्युत्तमां यजेत्
पद्मैर्यजेद्भाद्रपदे शृङ्गदाशो गृडादिदः
dantakāṣṭhaṃ mallikāyāḥ kṣīrado hyuttamāṃ yajet
padmairyajedbhādrapade śṛṅgadāśo gṛḍādidaḥ
- 9
राजपुत्रीं चाश्वयुजे जपापुष्पैश्च जीरकम्
प्राशयेन्निशि नैवेद्यैः कृसरैः कार्तिके यजेत्
rājaputrīṃ cāśvayuje japāpuṣpaiśca jīrakam
prāśayenniśi naivedyaiḥ kṛsaraiḥ kārtike yajet
- 10
जातीपुष्पैः पद्मजां च पञ्चगव्याशनो यजेत्
घृतौदनं च वर्षान्ते सपत्नीकान्द्विजान्यजेत्
jātīpuṣpaiḥ padmajāṃ ca pañcagavyāśano yajet
ghṛtaudanaṃ ca varṣānte sapatnīkāndvijānyajet
- 11
उमामहेश्वरं पूज्य प्रदद्याच्च गुडादिकम्
वस्त्रच्छत्रसुवर्णाद्यैः रात्रौ च कृतजागरः
गीतवाद्यैर्ददत्प्रतर्गवाद्यं सर्वम् आप्नुयात्
umāmaheśvaraṃ pūjya pradadyācca guḍādikam
vastracchatrasuvarṇādyaiḥ rātrau ca kṛtajāgaraḥ
gītavādyairdadatpratargavādyaṃ sarvam āpnuyāt
- 12
इति श्रीगारुडे महापुराणे पूर्वखण्डे प्रथमांशाख्ये आचारकाण्डे रम्भातृतीयाव्रतं नाम विंशत्युत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe rambhātṛtīyāvrataṃ nāma viṃśatyuttaraśatatamo 'dhyāyaḥ

