8 shlokas
- 1
सूत उवाच
पञ्चवक्त्रार्चनं वक्ष्ये पृथग्यद्भुक्तिमुक्तिदम्
ॐ भूर्विष्णवे आदिभूताय सर्वाधाराय मूर्तये स्वाहा
sūta uvāca
pañcavaktrārcanaṃ vakṣye pṛthagyadbhuktimuktidam
oṃ bhūrviṣṇave ādibhūtāya sarvādhārāya mūrtaye svāhā
- 2
सद्योजातस्य चाह्वानमनेन प्रथमं चरेत्
ॐ हां सद्योजातायैव कला ह्यष्टौ प्रकीर्तिताः
sadyojātasya cāhvānamanena prathamaṃ caret
oṃ hāṃ sadyojātāyaiva kalā hyaṣṭau prakīrtitāḥ
- 3
सिद्धिरृद्धिर्धृतिर्लक्ष्मीर्मेधा कान्तिः स्वधा स्थितिः
ॐ हीं वामदेवायैव कलास्तस्य त्रयोदश
siddhirṛddhirdhṛtirlakṣmīrmedhā kāntiḥ svadhā sthitiḥ
oṃ hīṃ vāmadevāyaiva kalāstasya trayodaśa
- 4
रजा रक्षा रतिः पाल्या कान्तिस्तृष्णा मतिः क्रिया
कामा बुद्धिश्च रात्रिश्च त्रासनी मोहिनी तथा
rajā rakṣā ratiḥ pālyā kāntistṛṣṇā matiḥ kriyā
kāmā buddhiśca rātriśca trāsanī mohinī tathā
- 5
मनोन्मनी अघोरा च तथा मोहा क्षुधा कलाः
निद्रा मृत्युश्च माया च अष्टसंख्या भयङ्कर
manonmanī aghorā ca tathā mohā kṣudhā kalāḥ
nidrā mṛtyuśca māyā ca aṣṭasaṃkhyā bhayaṅkara
- 6
ॐ हैं तत्पुरुषायैव निवृत्तिश्च प्रतिष्ठा च विद्या शान्तिर्न केवला
oṃ haiṃ tatpuruṣāyaiva nivṛttiśca pratiṣṭhā ca vidyā śāntirna kevalā
- 7
ॐ हौं ईशानाय नमो निश्चला च निरञ्जना
शशिनी चाङ्गना चैव मरीचिर्ज्वालिनी तथा
oṃ hauṃ īśānāya namo niścalā ca nirañjanā
śaśinī cāṅganā caiva marīcirjvālinī tathā
- 8
इति श्रीगारुडे महापुराणे पूर्वखण्डे प्रथमांशाख्ये आचारकाण्डं पञ्चवक्त्रपूजनं नामैकविंशो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍaṃ pañcavaktrapūjanaṃ nāmaikaviṃśo 'dhyāyaḥ

