6 shlokas
- 1
याज्ञवल्क्य उवाच
भिक्षोर्धर्मं प्रवक्ष्यामि तं निबोधत सत्तमाः
वनाद्गृहाद्वा कृत्वेष्टिं सर्ववेदसदक्षिणाम्
yājñavalkya uvāca
bhikṣordharmaṃ pravakṣyāmi taṃ nibodhata sattamāḥ
vanādgṛhādvā kṛtveṣṭiṃ sarvavedasadakṣiṇām
- 2
प्राजापत्यं तदन्ते ऽपि अग्निमारोप्य चात्मनि
सर्वभूतहितः शान्तस्त्रिदण्डी सकमण्डलुः
prājāpatyaṃ tadante 'pi agnimāropya cātmani
sarvabhūtahitaḥ śāntastridaṇḍī sakamaṇḍaluḥ
- 3
सर्वारामं परिव्रज्य भिक्षार्थो ग्राममाश्रयेत्
अप्रमत्तश्चरेद्भैक्ष्यं सायाह्ने नाभिलक्षितः
sarvārāmaṃ parivrajya bhikṣārtho grāmamāśrayet
apramattaścaredbhaikṣyaṃ sāyāhne nābhilakṣitaḥ
- 4
रोहिते भिक्षुकैर्ग्रामे यात्रामात्रम् अलोलुपः
भवेत्परमहंसो वा एकदण्डी यमादितः
rohite bhikṣukairgrāme yātrāmātram alolupaḥ
bhavetparamahaṃso vā ekadaṇḍī yamāditaḥ
- 5
सिद्धयोगस्त्यजन्देहम् अमृतत्वमिहाप्नुयात्
दातातिथिप्रियो ज्ञानी गृही श्राद्धे ऽपि मुच्यते
siddhayogastyajandeham amṛtatvamihāpnuyāt
dātātithipriyo jñānī gṛhī śrāddhe 'pi mucyate
- 6
इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तवानप्रस्थसंन्यासधर्मनिरूपणं नाम त्र्युत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktavānaprasthasaṃnyāsadharmanirūpaṇaṃ nāma tryuttaraśatatamo 'dhyāyaḥ

