23 shlokas
- 1
रुद्र उवाच
पुनर्देवार्चनं ब्रूहि संक्षेपेण जनार्दन
सूर्यस्य विष्णुरूपस्य भुक्तिमुक्तिप्रदायकम्
rudra uvāca
punardevārcanaṃ brūhi saṃkṣepeṇa janārdana
sūryasya viṣṇurūpasya bhuktimuktipradāyakam
- 2
वासुदेव उवाच
शृणु सूर्यस्य रुद्र त्वं पुनर्वक्ष्यामि पूजनम्
ॐ उच्चैःश्रवसे नमः ॐ अरुणाय नमः
ॐ दण्डिने नमः
ॐ पिङ्गलाय नमः
एते द्वारे प्रपूज्या वै एभिर्मन्त्रैर्वृषध्वज
vāsudeva uvāca
śṛṇu sūryasya rudra tvaṃ punarvakṣyāmi pūjanam
oṃ uccaiḥśravase namaḥ oṃ aruṇāya namaḥ
oṃ daṇḍine namaḥ
oṃ piṅgalāya namaḥ
ete dvāre prapūjyā vai ebhirmantrairvṛṣadhvaja
- 3
ॐ अं प्रभूताय नमः
इमं तु पूजयेन्मध्ये प्रभूतामलसंज्ञकम्
ॐ अं विमलाय नमः
ॐ अं साराय नमः
ॐ अं आधाराय नमः
ॐ अं परममुखाय नमः
इत्याग्नेयादिकोणेषु पूज्या वै विमलादयः
oṃ aṃ prabhūtāya namaḥ
imaṃ tu pūjayenmadhye prabhūtāmalasaṃjñakam
oṃ aṃ vimalāya namaḥ
oṃ aṃ sārāya namaḥ
oṃ aṃ ādhārāya namaḥ
oṃ aṃ paramamukhāya namaḥ
ityāgneyādikoṇeṣu pūjyā vai vimalādayaḥ
- 4
ॐ पद्माय नमः
ॐ कर्णिकायै नमः
मध्ये तु पूजयेद्रुद्र पूर्वादिषु तथैव च
दीप्ताद्याः पूजयेन्मध्ये पूजयेत्सर्वतोमुखीः
ॐ वां दीप्तायै नमः
ॐ वीं सूक्ष्मायै नमः
ॐ वूं औरूं भद्रायै नमः
ॐ वैं जयायै नमः
ॐ वौं विभूत्यै नमः
ॐ वं अघोरायै नमः
ॐ वं वैद्युतायै नमः
ॐ वः विजयायै नमः
ॐ रो सर्वतोमुख्यै नमः
oṃ padmāya namaḥ
oṃ karṇikāyai namaḥ
madhye tu pūjayedrudra pūrvādiṣu tathaiva ca
dīptādyāḥ pūjayenmadhye pūjayetsarvatomukhīḥ
oṃ vāṃ dīptāyai namaḥ
oṃ vīṃ sūkṣmāyai namaḥ
oṃ vūṃ aurūṃ bhadrāyai namaḥ
oṃ vaiṃ jayāyai namaḥ
oṃ vauṃ vibhūtyai namaḥ
oṃ vaṃ aghorāyai namaḥ
oṃ vaṃ vaidyutāyai namaḥ
oṃ vaḥ vijayāyai namaḥ
oṃ ro sarvatomukhyai namaḥ
- 5
ॐ अर्कासनाय नमः
ॐ ह्रां सूर्यमूर्तये नमः
एतास्तु पूजयेन्मध्ये ह्रन्मन्त्राञ्छृणु शङ्कर
ॐ हं सं खं खखोल्काय क्रां क्रीं सः स्वाहा सूर्यमूर्तये नमः
अनेनावाहनं कुर्यात्स्थापनं संनिधापनम्
सन्निरोपनमन्त्रेण सकलीकरणं तथा
oṃ arkāsanāya namaḥ
oṃ hrāṃ sūryamūrtaye namaḥ
etāstu pūjayenmadhye hranmantrāñchṛṇu śaṅkara
oṃ haṃ saṃ khaṃ khakholkāya krāṃ krīṃ saḥ svāhā sūryamūrtaye namaḥ
anenāvāhanaṃ kuryātsthāpanaṃ saṃnidhāpanam
sanniropanamantreṇa sakalīkaraṇaṃ tathā
- 6
मुद्राया दर्शनं रुद्र मूलमन्त्रेण वा हर
तेजोरूपं रक्तवर्णं सितपद्मोपरि स्थितम्
एकचक्ररथारूढं द्विबाहुं धृतपङ्कजम्
mudrāyā darśanaṃ rudra mūlamantreṇa vā hara
tejorūpaṃ raktavarṇaṃ sitapadmopari sthitam
ekacakrarathārūḍhaṃ dvibāhuṃ dhṛtapaṅkajam
- 7
एवं ध्यायेत्सदा सूर्यं मूलमन्त्रं शृणुष्व च
ॐ ह्रां ह्रीं सः सूर्याय नमः
evaṃ dhyāyetsadā sūryaṃ mūlamantraṃ śṛṇuṣva ca
oṃ hrāṃ hrīṃ saḥ sūryāya namaḥ
- 8
वारत्रयं पद्ममुद्रां बिम्बमुद्रां च दर्शयेत्
ॐ आं हृदयाय नमः
ॐ अर्काय शिरसे स्वाहा
ॐ अः भूर्भुवः स्वः ज्वालिनि शिखायै वषट्
ॐ हुं कवचाय हुं
ॐ भां नेत्राभ्यां वौषट्
ॐ वः अस्त्राय फडिति
vāratrayaṃ padmamudrāṃ bimbamudrāṃ ca darśayet
oṃ āṃ hṛdayāya namaḥ
oṃ arkāya śirase svāhā
oṃ aḥ bhūrbhuvaḥ svaḥ jvālini śikhāyai vaṣaṭ
oṃ huṃ kavacāya huṃ
oṃ bhāṃ netrābhyāṃ vauṣaṭ
oṃ vaḥ astrāya phaḍiti
- 9
आग्नेय्यामथवैशान्यां नैरृत्यामर्चयेद्धर
हृदयादि हि वायव्यां नेत्रं चान्तः प्रपूजयेत्
āgneyyāmathavaiśānyāṃ nairṛtyāmarcayeddhara
hṛdayādi hi vāyavyāṃ netraṃ cāntaḥ prapūjayet
- 10
दिस्वस्त्रं पूजयेद्रुद्र सोमं तु श्वेतवर्णकम्
दले पूर्वे ऽर्चयेद्रुद्र बुधं चामीकरप्रभम्
disvastraṃ pūjayedrudra somaṃ tu śvetavarṇakam
dale pūrve 'rcayedrudra budhaṃ cāmīkaraprabham
- 11
दक्षिणे पूजयेद्रुद्र पतिवर्णं गुरुं यजेत्
पश्चिमे चैव भूतेशं उत्तरे भार्गवं सितम्
dakṣiṇe pūjayedrudra pativarṇaṃ guruṃ yajet
paścime caiva bhūteśaṃ uttare bhārgavaṃ sitam
- 12
रक्तमङ्गारकं चैव आग्नेये पूजयेद्धर
शनैश्चरं कृष्णवर्णं नैरृत्यां दिशि पूजयेत्
raktamaṅgārakaṃ caiva āgneye pūjayeddhara
śanaiścaraṃ kṛṣṇavarṇaṃ nairṛtyāṃ diśi pūjayet
- 13
राहुं वायव्यदेशे तु नन्द्यावर्तनिभं हर
ऐशान्यां धूम्रवर्णं तु केतुं सम्परिपूजयेत्
rāhuṃ vāyavyadeśe tu nandyāvartanibhaṃ hara
aiśānyāṃ dhūmravarṇaṃ tu ketuṃ samparipūjayet
- 14
एभिर्मन्त्रैर्महादेव तच्छृणुष्व च शङ्कर
ebhirmantrairmahādeva tacchṛṇuṣva ca śaṅkara
- 15
ॐ सों सोमाय नमः
ॐ बुं बुधाय नमः
ॐ बृं बृहस्पतये नमः
ॐ भं भार्गवाय नमः
ॐ अं अङ्गारकाय नमः
ॐ शं शनैश्चराय नमः
ॐ रं राहवे नमः
ॐ कं केतवे नम इति
oṃ soṃ somāya namaḥ
oṃ buṃ budhāya namaḥ
oṃ bṛṃ bṛhaspataye namaḥ
oṃ bhaṃ bhārgavāya namaḥ
oṃ aṃ aṅgārakāya namaḥ
oṃ śaṃ śanaiścarāya namaḥ
oṃ raṃ rāhave namaḥ
oṃ kaṃ ketave nama iti
- 16
पाद्यादीन्मूलमन्त्रेण दत्त्वा सूर्याय शङ्कर
नैवेद्यान्ते धेनुमुद्रां दर्शयेत्साधकोत्तमः
pādyādīnmūlamantreṇa dattvā sūryāya śaṅkara
naivedyānte dhenumudrāṃ darśayetsādhakottamaḥ
- 17
जप्त्वा चाष्टसहस्रं तु तच्च तस्मै समर्पयेत्
ऐशान्यां दिशि भूतेश तेजश्चण्डं तु पूजयेत्
japtvā cāṣṭasahasraṃ tu tacca tasmai samarpayet
aiśānyāṃ diśi bhūteśa tejaścaṇḍaṃ tu pūjayet
- 18
ॐ तेजश्चण्डाय हुं फट्स्वधा स्वाहा पौषट्
निर्माल्यं चार्पयेत्तस्मै ह्यर्घ्यं दद्यात्ततो हर
oṃ tejaścaṇḍāya huṃ phaṭsvadhā svāhā pauṣaṭ
nirmālyaṃ cārpayettasmai hyarghyaṃ dadyāttato hara
- 19
तिलतण्डुलसंयुक्तं रक्तचन्दनचर्चितम्
गन्धोदकेन संमिश्रं पुष्पधूपसमन्वितम्
tilataṇḍulasaṃyuktaṃ raktacandanacarcitam
gandhodakena saṃmiśraṃ puṣpadhūpasamanvitam
- 20
कृत्वा शिरसि तत्पात्रं जानुभ्यामवनिं गतः
दर्घ्यं तु सूर्याय हृन्मन्त्रेण वृषध्वज
kṛtvā śirasi tatpātraṃ jānubhyāmavaniṃ gataḥ
darghyaṃ tu sūryāya hṛnmantreṇa vṛṣadhvaja
- 21
गणं गुरून्प्रपूज्याथ सर्वान्देवानन्प्रपूजयेत्
ॐ गं गणपतये नमः
ॐ अं गुरुभ्यो नमः
gaṇaṃ gurūnprapūjyātha sarvāndevānanprapūjayet
oṃ gaṃ gaṇapataye namaḥ
oṃ aṃ gurubhyo namaḥ
- 22
सूर्यस्य कथिता पूजा कृत्वैतां विष्णुलोकभाक्
sūryasya kathitā pūjā kṛtvaitāṃ viṣṇulokabhāk
- 23
इति श्रीगारुडे महापुराणे पूर्वखण्डे प्रथमांशाख्ये आचारकाण्डे सूर्यार्चनप्रकारो नामैकोनचत्वारिंशो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe sūryārcanaprakāro nāmaikonacatvāriṃśo 'dhyāyaḥ

