10 shlokas
- 1
याज्ञवल्क्य उवाच
नरकात्पताकोद्भूतात्क्षयात्पापस्य कर्मणः
ब्रह्महा श्वा खरोष्ट्रः स्याद्भेको यकः सुराप्यपि
yājñavalkya uvāca
narakātpatākodbhūtātkṣayātpāpasya karmaṇaḥ
brahmahā śvā kharoṣṭraḥ syādbheko yakaḥ surāpyapi
- 2
स्वर्णचोरः कृमिः कीटः तृणादिर्गुरुतल्पगः
क्षयरोगी श्यावदन्तः कुनखी शिपिविष्टकः
svarṇacoraḥ kṛmiḥ kīṭaḥ tṛṇādirgurutalpagaḥ
kṣayarogī śyāvadantaḥ kunakhī śipiviṣṭakaḥ
- 3
ब्रह्महत्याक्रमात्स्युश्च तत्सर्वं वा शिशेर्भवेत्
अन्नहर्ता मायावी स्यान्मूको वागपहारकः
brahmahatyākramātsyuśca tatsarvaṃ vā śiśerbhavet
annahartā māyāvī syānmūko vāgapahārakaḥ
- 4
धान्यहार्यतिरिक्ताङ्गः पिशुनः पूतिनासिकः
तैलाहारी तैलपायी पूतिवक्त्रस्तु सूचकः
dhānyahāryatiriktāṅgaḥ piśunaḥ pūtināsikaḥ
tailāhārī tailapāyī pūtivaktrastu sūcakaḥ
- 5
ब्रह्मस्वं कन्यकां क्रीत्वा वने रक्षो भवेद्वृषः
रत्नहृद्धीनजातः स्यात्पत्रशाकहरः शिखी
brahmasvaṃ kanyakāṃ krītvā vane rakṣo bhavedvṛṣaḥ
ratnahṛddhīnajātaḥ syātpatraśākaharaḥ śikhī
- 6
गुच्छं चुचुन्दरी हृत्वा धान्यहृन्मूषको भवेत्
फलं कपिः पशून्हृत्वा त्वजा काकः पयस्तथा
gucchaṃ cucundarī hṛtvā dhānyahṛnmūṣako bhavet
phalaṃ kapiḥ paśūnhṛtvā tvajā kākaḥ payastathā
- 7
मांसं गृध्रः पटं श्वित्री चीरी लवणहारकः
यथाकर्म फलं प्राप्य तिर्यक्त्वं कालपर्ययात्
māṃsaṃ gṛdhraḥ paṭaṃ śvitrī cīrī lavaṇahārakaḥ
yathākarma phalaṃ prāpya tiryaktvaṃ kālaparyayāt
- 8
जायन्ते लक्षणभ्रष्टा दरिद्राः पुरुषाधमाः
ततो निष्कलुषीभूताः कुले महति योगिनः
jāyante lakṣaṇabhraṣṭā daridrāḥ puruṣādhamāḥ
tato niṣkaluṣībhūtāḥ kule mahati yoginaḥ
- 9
जायन्ते लक्षणोपेता धनधान्यसमन्विताः
jāyante lakṣaṇopetā dhanadhānyasamanvitāḥ
- 10
इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तकर्मविपाकनिरूपणं नाम चतुरुत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktakarmavipākanirūpaṇaṃ nāma caturuttaraśatatamo 'dhyāyaḥ

