9 shlokas
- 1
ब्रह्मोवाच
व्रतानि व्यास वक्ष्यामि हरिर्यैः सर्वदो भवेत्
सर्वमासर्क्षतिथिषु वारेषु हरिरर्चितः
brahmovāca
vratāni vyāsa vakṣyāmi hariryaiḥ sarvado bhavet
sarvamāsarkṣatithiṣu vāreṣu harirarcitaḥ
- 2
एकभक्तेन नक्तेन उपवासफलादिना
ददाति धनधान्यादि पुत्रराज्यजयादिकम्
ekabhaktena naktena upavāsaphalādinā
dadāti dhanadhānyādi putrarājyajayādikam
- 3
वैश्वानरः प्रतिपदि कुबेरः पूजितो ऽर्थदः
पोष्य ब्रह्मो प्रतिपद्यर्चितः श्रिस्तथाश्विनी
vaiśvānaraḥ pratipadi kuberaḥ pūjito 'rthadaḥ
poṣya brahmo pratipadyarcitaḥ śristathāśvinī
- 4
द्वितीयायां यमो लक्ष्मीनारायण इहार्थदः
तृतीयायां त्रिदेवाश्च गौरीविघ्नेशशङ्कराः
dvitīyāyāṃ yamo lakṣmīnārāyaṇa ihārthadaḥ
tṛtīyāyāṃ tridevāśca gaurīvighneśaśaṅkarāḥ
- 5
चतुर्थ्यां च चतुर्व्यूहः पञ्चम्यामर्चितो हरिः
कार्तिकेयो रविः षष्ठ्यां सप्तम्यां भास्करो ऽर्थदः
caturthyāṃ ca caturvyūhaḥ pañcamyāmarcito hariḥ
kārtikeyo raviḥ ṣaṣṭhyāṃ saptamyāṃ bhāskaro 'rthadaḥ
- 6
दुर्गाष्टम्यां नवम्यां च मातरो ऽथ दिशो ऽर्थदाः
दशम्यां च यमश्चन्द्र एकादश्यामृषीन्यजेत्
durgāṣṭamyāṃ navamyāṃ ca mātaro 'tha diśo 'rthadāḥ
daśamyāṃ ca yamaścandra ekādaśyāmṛṣīnyajet
- 7
द्वादश्यां च हरिः कामस्त्रयोदश्यां महेश्वरः
चतुर्दश्यां पञ्चदश्यां ब्रह्मा च पितरो ऽर्थदाः
dvādaśyāṃ ca hariḥ kāmastrayodaśyāṃ maheśvaraḥ
caturdaśyāṃ pañcadaśyāṃ brahmā ca pitaro 'rthadāḥ
- 8
अमावास्यां पूजनीया वारा वै भास्करादयः
नक्षत्राणि च योगाश्च पूजिताः सर्वदायकाः
amāvāsyāṃ pūjanīyā vārā vai bhāskarādayaḥ
nakṣatrāṇi ca yogāśca pūjitāḥ sarvadāyakāḥ
- 9
इति श्रीगारुडे महापुराणे पूर्वखण्डे प्रथमांशाख्ये आचारकाण्डे तिथ्यादिव्रतवर्णनं नाम षोडशोत्तरशततमो ऽध्यायः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe tithyādivratavarṇanaṃ nāma ṣoḍaśottaraśatatamo 'dhyāyaḥ

