39 shlokas
- 1
वैशंपायन उवाच
ततः प्रभाते विमले पक्षिव्याहारसंकुले
नैशाकरे रश्मिजाले क्षणदाक्षयसंहृते
vaiśaṃpāyana uvāca
tataḥ prabhāte vimale pakṣivyāhārasaṃkule
naiśākare raśmijāle kṣaṇadākṣayasaṃhṛte
- 2
नभस्य् अरुणसंतीर्णे पर्यस्ते ज्योतिमण्डले
प्रत्यूषपवनासारैः क्लेदिते धरणीतले
nabhasy aruṇasaṃtīrṇe paryaste jyotimaṇḍale
pratyūṣapavanāsāraiḥ kledite dharaṇītale
- 3
क्षीणाकारासु तारासु सुप्तनिष्प्रतिभासु च
नैशम् अन्तर्दधे रूपम् उदगच्छद्दिवाकरः
शीतांशुः शान्तकिरणो निष्प्रभः समपद्यत
kṣīṇākārāsu tārāsu suptaniṣpratibhāsu ca
naiśam antardadhe rūpam udagacchaddivākaraḥ
śītāṃśuḥ śāntakiraṇo niṣprabhaḥ samapadyata
- 4
गोभिः समवकीर्णासु व्रजनिर्याणभूमिषु
मन्थावर्तनपूर्णेषु गर्गरेषु नदत्सु च
gobhiḥ samavakīrṇāsu vrajaniryāṇabhūmiṣu
manthāvartanapūrṇeṣu gargareṣu nadatsu ca
- 5
दामभिर्यम्यमानेषु वत्सेषु तरुणेषु च
गोपैर् आपूर्यमाणासु घोषरथ्यासु सर्वशः
dāmabhiryamyamāneṣu vatseṣu taruṇeṣu ca
gopair āpūryamāṇāsu ghoṣarathyāsu sarvaśaḥ
- 6
तत्रैव गुरुकं भाण्डं सकटारोपितं बहु
त्वरिताः पृष्ठतः कृत्वा जग्मुः स्यन्दनवाहनाः
tatraiva gurukaṃ bhāṇḍaṃ sakaṭāropitaṃ bahu
tvaritāḥ pṛṣṭhataḥ kṛtvā jagmuḥ syandanavāhanāḥ
- 7
कृष्णो ऽथ रौहिणेयश्च स चैवामितदक्षिणः
त्रयो रथगता जग्मुस्त्रिलोकपतयो यथा
kṛṣṇo 'tha rauhiṇeyaśca sa caivāmitadakṣiṇaḥ
trayo rathagatā jagmustrilokapatayo yathā
- 8
अथाह कृष्णम् अक्रूरो यमुनातीरम् आश्रितः
स्यन्दनं तात रक्षस्व यत्नं च कुरु वाजिषु
athāha kṛṣṇam akrūro yamunātīram āśritaḥ
syandanaṃ tāta rakṣasva yatnaṃ ca kuru vājiṣu
- 9
हयेभ्यो यवसं दत्त्वा हयभाण्डे रथे तथा
प्रगाढं यत्नम् आस्थाय क्षणं तात प्रतीक्षताम्
hayebhyo yavasaṃ dattvā hayabhāṇḍe rathe tathā
pragāḍhaṃ yatnam āsthāya kṣaṇaṃ tāta pratīkṣatām
- 10
यमुनाया ह्रदे ह्य् अस्मिन्तोष्यामि भुजगेश्वरम्
दिव्यैर्भागवतैर्मन्त्रैः सर्वलोकप्रभुं यतः
yamunāyā hrade hy asmintoṣyāmi bhujageśvaram
divyairbhāgavatairmantraiḥ sarvalokaprabhuṃ yataḥ
- 11
श्रीमत्स्वस्तिकमूर्धानं प्रणमिष्यामि भोगिनम्
सहस्रशिरसं देवम् अनन्तं नीलवाससम्
śrīmatsvastikamūrdhānaṃ praṇamiṣyāmi bhoginam
sahasraśirasaṃ devam anantaṃ nīlavāsasam
- 12
धर्मदेवस्य तस्यास्याद्यद्विषं प्रभविष्यति
सर्वं तद् अमृतप्रख्यम् अशिष्याम्य् अमरो यथा
dharmadevasya tasyāsyādyadviṣaṃ prabhaviṣyati
sarvaṃ tad amṛtaprakhyam aśiṣyāmy amaro yathā
- 13
स्वस्तिकायतनं दृष्ट्वा द्विजिह्वं श्रीविभूषितम्
समाजस्तत्र सर्पाणां शान्त्यर्थं वै भविष्यति
svastikāyatanaṃ dṛṣṭvā dvijihvaṃ śrīvibhūṣitam
samājastatra sarpāṇāṃ śāntyarthaṃ vai bhaviṣyati
- 14
आस्तां मां समुदीक्षन्तौ भवन्तौ संगताव् उभौ
निवृत्तो भुजगेन्द्रस्य यावद् अस्मि ह्रदोत्तमात्
āstāṃ māṃ samudīkṣantau bhavantau saṃgatāv ubhau
nivṛtto bhujagendrasya yāvad asmi hradottamāt
- 15
तम् आह कृष्णः संहृष्टो गच्छ धर्मिष्ठ माचिरम्
आवां खलु न शक्तौ स्वस्त्वया हीनाव् इहासितुम्
tam āha kṛṣṇaḥ saṃhṛṣṭo gaccha dharmiṣṭha māciram
āvāṃ khalu na śaktau svastvayā hīnāv ihāsitum
- 16
स ह्रदे यमुनायास्तु ममज्जामितदक्षिणः
रसातले स ददृशे सर्पलोकम् इमं यथा
sa hrade yamunāyāstu mamajjāmitadakṣiṇaḥ
rasātale sa dadṛśe sarpalokam imaṃ yathā
- 17
तस्य मध्ये सहस्रास्यम्हेमतालोच्छ्रितध्वजम्
लाङ्गलासक्तहस्ताग्रम्मुसलापाश्रितोदरम्
tasya madhye sahasrāsyamhematālocchritadhvajam
lāṅgalāsaktahastāgrammusalāpāśritodaram
- 18
असिताम्बरसंवीतम्पाण्डुरं पाण्डुराननम्
कुण्डलैकधरं मत्तम्सुप्तम् अम्बुरुहेक्षणम्
asitāmbarasaṃvītampāṇḍuraṃ pāṇḍurānanam
kuṇḍalaikadharaṃ mattamsuptam amburuhekṣaṇam
- 19
भोगोदरासने शुभ्रे स्वेन देहेन कल्पिते
स्वासीनं स्वस्तिकाभ्यां च वराभ्यां च महीधरम्
bhogodarāsane śubhre svena dehena kalpite
svāsīnaṃ svastikābhyāṃ ca varābhyāṃ ca mahīdharam
- 20
किंचित्सव्यापवृत्तेन मौलिना हेमचूलिना
जातरूपमयैः पद्मैर्मालया छन्नवक्षसम्
kiṃcitsavyāpavṛttena maulinā hemacūlinā
jātarūpamayaiḥ padmairmālayā channavakṣasam
- 21
रक्तचन्दनदिग्धाङ्गम्दीर्घबाहुम् अरिंदमम्
पद्मनाभं सिताभ्राभम्भाभिर्ज्वलिततेजसम्
raktacandanadigdhāṅgamdīrghabāhum ariṃdamam
padmanābhaṃ sitābhrābhambhābhirjvalitatejasam
- 22
ददर्श भोगिनां नाथम्स्थितम् एकार्णवेश्वरम्
पूज्यमानं द्विजिह्वेन्द्रैर्वासुकिप्रमुखैः प्रभुम्
dadarśa bhogināṃ nāthamsthitam ekārṇaveśvaram
pūjyamānaṃ dvijihvendrairvāsukipramukhaiḥ prabhum
- 23
कम्बलाश्वतरौ नागौ तौ चामरधराव् उभौ
अवीजयेतां तं देवम्धर्मासनगतं प्रभुम्
kambalāśvatarau nāgau tau cāmaradharāv ubhau
avījayetāṃ taṃ devamdharmāsanagataṃ prabhum
- 24
तस्याभ्यासगतो भाति वासुकिः पन्नगेश्वरः
वृतो ऽन्यैः सचिवैः सर्पैः कर्कोटकपुरःसरैः
tasyābhyāsagato bhāti vāsukiḥ pannageśvaraḥ
vṛto 'nyaiḥ sacivaiḥ sarpaiḥ karkoṭakapuraḥsaraiḥ
- 25
तं घटैः काञ्चनैर्दिव्यैः पङ्कजच्छन्नमूर्धजम्
राजानं स्नापयामासुः स्नातम् एकार्णवाम्बुभिः
taṃ ghaṭaiḥ kāñcanairdivyaiḥ paṅkajacchannamūrdhajam
rājānaṃ snāpayāmāsuḥ snātam ekārṇavāmbubhiḥ
- 26
तस्योत्सङ्गे घनश्यामम्श्रीवत्साच्छादितोदरम्
पीताम्बरधरं विष्णुं सूपविष्टं ददर्श ह
tasyotsaṅge ghanaśyāmamśrīvatsācchāditodaram
pītāmbaradharaṃ viṣṇuṃ sūpaviṣṭaṃ dadarśa ha
- 27
आसीनं चैव सोमेन तुल्यसंहननं प्रभुम्
संकर्षणम् इवासीनं तं दिव्यं विष्टरं विना
āsīnaṃ caiva somena tulyasaṃhananaṃ prabhum
saṃkarṣaṇam ivāsīnaṃ taṃ divyaṃ viṣṭaraṃ vinā
- 28
स कृष्णं तत्र सहसा व्याहर्तुम् उपचक्रमे
तस्य संस्तम्भयामास वाक्यं कृष्णः स्वतेजसा
sa kṛṣṇaṃ tatra sahasā vyāhartum upacakrame
tasya saṃstambhayāmāsa vākyaṃ kṛṣṇaḥ svatejasā
- 29
सो ऽनुभूय भुजंगानां तं भागवतम् अव्ययम्
उदतिष्ठत्पुनस्तोयाद्विस्मितो ऽमितदक्षिणः
so 'nubhūya bhujaṃgānāṃ taṃ bhāgavatam avyayam
udatiṣṭhatpunastoyādvismito 'mitadakṣiṇaḥ
- 30
स तौ रथस्थाव् आसीनौ तत्रैव बलकेशवौ
उदीक्षमाणाव् अन्योन्यं ददर्शाद्भुतरूपिणौ
sa tau rathasthāv āsīnau tatraiva balakeśavau
udīkṣamāṇāv anyonyaṃ dadarśādbhutarūpiṇau

