24 shlokas
- 1
अपघ्नन्पवते मृध इत्य् अभिशस्यमानस्य प्रतिपदं कुर्यात्
apaghnanpavate mṛdha ity abhiśasyamānasya pratipadaṃ kuryāt
- 2
मृधो वा एतम् अजुष्टाः सचन्ते यम् अभिशंसन्ति
mṛdho vā etam ajuṣṭāḥ sacante yam abhiśaṃsanti
- 3
अप पापीर्मृधो हते
apa pāpīrmṛdho hate
- 4
अप सोमो अराव्ण इति
apa somo arāvṇa iti
- 5
अरावाण इव ह्य् एतं सचन्ते यम् अभिशंसन्ति
arāvāṇa iva hy etaṃ sacante yam abhiśaṃsanti
- 6
गच्छन्न् इन्द्रस्य निष्कृतम् इति
gacchann indrasya niṣkṛtam iti
- 7
अनिन्द्रियो वा एषो ऽपदेवो भवति यम् अभिशंसन्ति
anindriyo vā eṣo 'padevo bhavati yam abhiśaṃsanti
- 8
इन्द्रियावन्तम् एवैनम् एतेन सदेवं कुर्वन्ति
indriyāvantam evainam etena sadevaṃ kurvanti
- 9
आग्नावारुणीम् आमयाविनो ज्योगामयाविनः प्रतिपदं कुर्यात्
āgnāvāruṇīm āmayāvino jyogāmayāvinaḥ pratipadaṃ kuryāt
- 10
अग्निना वा एष वरुणेन गृहीतो भवति य आमयावी ज्योगामयावी
agninā vā eṣa varuṇena gṛhīto bhavati ya āmayāvī jyogāmayāvī
- 11
अग्निनैवैनम् आग्नेयान्मुञ्चन्ति वरुणेन वारुणात्
agninaivainam āgneyānmuñcanti varuṇena vāruṇāt
- 12
यस्यां वर्षीयस्याम् ऋचि ह्रसीयो ह्रसीयस्यां वा वर्षीयस्ताम् आनायकामः प्रतिपदं कुर्वीत
yasyāṃ varṣīyasyām ṛci hrasīyo hrasīyasyāṃ vā varṣīyastām ānāyakāmaḥ pratipadaṃ kurvīta
- 13
वर्षीयसा वा एष ह्रसीयः प्रेप्सतीति ह्रसीयसा वा वर्षीयः
varṣīyasā vā eṣa hrasīyaḥ prepsatīti hrasīyasā vā varṣīyaḥ
- 14
प्र ह्रसीयसा वर्षीय आप्नोति य एवं वेद
pra hrasīyasā varṣīya āpnoti ya evaṃ veda
- 15
एष देवो अमर्त्य इति प्रतिपदं कुर्वीत यः कामयेताहम् एवैकधा श्रेष्ठः स्वानां स्यां रुचम् अश्नुवीयेति
eṣa devo amartya iti pratipadaṃ kurvīta yaḥ kāmayetāham evaikadhā śreṣṭhaḥ svānāṃ syāṃ rucam aśnuvīyeti
- 16
एष एष इत्य् एवैनाञ्ज्यैष्ठ्याय श्रैष्ठ्यायाभिवदति
eṣa eṣa ity evaināñjyaiṣṭhyāya śraiṣṭhyāyābhivadati
- 17
एकधैव श्रेष्ठः स्वानां भवति रुचम् अश्नुते
ekadhaiva śreṣṭhaḥ svānāṃ bhavati rucam aśnute
- 18
ईश्वरो ह त्व् अस्यापरः प्रजायाम् एतादृङ्वीरो ऽनाजनितोः
īśvaro ha tv asyāparaḥ prajāyām etādṛṅvīro 'nājanitoḥ
- 19
एष एव नातो ऽन्य इतीव ह्य् एनं वाग् अभिवदति
eṣa eva nāto 'nya itīva hy enaṃ vāg abhivadati
- 20
तद् उ त्वै तन्न तथा
tad u tvai tanna tathā
- 21
देवो अमर्त्य इति वा आह
devo amartya iti vā āha
- 22
अदेवश्च ह वै स मर्त्यश्च यस्य वीरस्य सतो वीरो वीर्यवान्नाजायते
adevaśca ha vai sa martyaśca yasya vīrasya sato vīro vīryavānnājāyate
- 23
अथ ह वै स एव देवः सो ऽमर्त्यो यस्य वीरस्य सतो वीरो वीर्यवान् आजायते
atha ha vai sa eva devaḥ so 'martyo yasya vīrasya sato vīro vīryavān ājāyate
- 24
आ हास्य वीरस्य सतो वीरो वीर्यवाञ्जायते संधीयते प्रजया न व्यवच्छिद्यते
ā hāsya vīrasya sato vīro vīryavāñjāyate saṃdhīyate prajayā na vyavacchidyate

