13 shlokas
- 1
तथा ह न रूक्षो भवति
tathā ha na rūkṣo bhavati
- 2
एतद्ध स्म वै तं पूर्वे ब्राह्मणा मीमांसन्ते क उ स्विद् अद्य शिंशुमार्यै व्यात्तम् अतिप्रोष्यत इति
etaddha sma vai taṃ pūrve brāhmaṇā mīmāṃsante ka u svid adya śiṃśumāryai vyāttam atiproṣyata iti
- 3
एषा ह वा एकायने शिंशुमारी प्रतीपं व्यादाय तिष्ठति यद्यज्ञायज्ञीयम्
eṣā ha vā ekāyane śiṃśumārī pratīpaṃ vyādāya tiṣṭhati yadyajñāyajñīyam
- 4
तस्या एतद् अन्नाद्यम् एव मुखतो ऽपिधाय स्वस्त्य् अत्येति
tasyā etad annādyam eva mukhato 'pidhāya svasty atyeti
- 5
पोप्रिं वयम् अमृतं जातो वा इति
popriṃ vayam amṛtaṃ jāto vā iti
- 6
यत्प्र प्र वयम् इति ब्रूयात्प्रमायुको यजमानः स्यात्
yatpra pra vayam iti brūyātpramāyuko yajamānaḥ syāt
- 7
अथ यत्पोप्रिम् इत्य् आहैष एवास्मै पोप्रिर्भवति
atha yatpoprim ity āhaiṣa evāsmai poprirbhavati
- 8
हिं मायि दायिवम् इति
hiṃ māyi dāyivam iti
- 9
यद्दासम् इति ब्रूयाद्दासुको यजमानः स्यात्
yaddāsam iti brūyāddāsuko yajamānaḥ syāt
- 10
अथ यद्दायिवम् इत्य् आह दिवं संस्तुतो यज्ञो गमयितव्य इत्य् आहुर्दिवम् एवैतत्संस्तुतं यज्ञं गमयन्ति
atha yaddāyivam ity āha divaṃ saṃstuto yajño gamayitavya ity āhurdivam evaitatsaṃstutaṃ yajñaṃ gamayanti
- 11
प्रियं मित्रं नु शंसिषम् इति
priyaṃ mitraṃ nu śaṃsiṣam iti
- 12
यत्प्रियं मित्रं न शंसिषम् इति ब्रूयान्न प्रियं मित्रं शंसेत
yatpriyaṃ mitraṃ na śaṃsiṣam iti brūyānna priyaṃ mitraṃ śaṃseta
- 13
अथ यत्प्रियं मित्रं नु शंसिषम् इत्य् आह प्रियम् एव मित्रं शंसते
atha yatpriyaṃ mitraṃ nu śaṃsiṣam ity āha priyam eva mitraṃ śaṃsate

