16 shlokas
- 1
शार्दूलस्तस्करः
śārdūlastaskaraḥ
- 2
तस्माद् एतानि निधनानि न समर्पयेन्नेद् असानीति
tasmād etāni nidhanāni na samarpayenned asānīti
- 3
एतानि उ ह वै चत्वारि सामानि चतुरार्षेयानि
etāni u ha vai catvāri sāmāni caturārṣeyāni
- 4
तद् उ वा आहुः को हाप्रमादस्येशे
tad u vā āhuḥ ko hāpramādasyeśe
- 5
उत वै प्रैव माद्यतीति
uta vai praiva mādyatīti
- 6
स यदि स्वारे सह कुर्यात्प्राणः स्वरः प्राण एवैतत्प्राणं भूयांसम् अकृषि ज्योग्जीविष्यामीत्य् एव तत्र ध्यायेत्
sa yadi svāre saha kuryātprāṇaḥ svaraḥ prāṇa evaitatprāṇaṃ bhūyāṃsam akṛṣi jyogjīviṣyāmīty eva tatra dhyāyet
- 7
यन्निधने सह कुर्यात्प्रजा वै तत्प्रजायाम् एवैतत्प्रजां प्रत्यतिष्ठिपं प्रजावान् एतेन भविष्यामीत्य् एव तत्र ध्यायेत्
yannidhane saha kuryātprajā vai tatprajāyām evaitatprajāṃ pratyatiṣṭhipaṃ prajāvān etena bhaviṣyāmīty eva tatra dhyāyet
- 8
अथो वज्रो वै निधनम्
atho vajro vai nidhanam
- 9
वज्रम् एवैतद्द्विषते भ्रातृव्याय प्राहार्षम् इति
vajram evaitaddviṣate bhrātṛvyāya prāhārṣam iti
- 10
यद् ऐडे सह कुर्यात्पशवो वा इडा पशुष्व् एवैतत्पशून्भूयसो ऽकृषि बहुपशुर्भविष्यामीत्य् एव तत्र ध्यायेत्
yad aiḍe saha kuryātpaśavo vā iḍā paśuṣv evaitatpaśūnbhūyaso 'kṛṣi bahupaśurbhaviṣyāmīty eva tatra dhyāyet
- 11
यद् ऋक्समे सह कुर्यात्प्रजननं वा ऋक्समं प्रजनन एवैतत्प्रजननं भूयो ऽकृषि जायां जायायाम् अभ्यावक्ष्ये बहुर्भविष्यामि प्रजनिष्य इत्य् एव तत्र ध्यायेत्
yad ṛksame saha kuryātprajananaṃ vā ṛksamaṃ prajanana evaitatprajananaṃ bhūyo 'kṛṣi jāyāṃ jāyāyām abhyāvakṣye bahurbhaviṣyāmi prajaniṣya ity eva tatra dhyāyet
- 12
तथा हैनं तन्नात्येति
tathā hainaṃ tannātyeti
- 13
स य एनम् एवं चकृवांसम् उपमीमांसेत तं ब्रूयात्साध्व् एवाहम् एतद्वेद नासाधु
sa ya enam evaṃ cakṛvāṃsam upamīmāṃseta taṃ brūyātsādhv evāham etadveda nāsādhu
- 14
स यत्त्वम् अत्रासाधु वेत्थ तुभ्यम् एव तद्भविष्यति
sa yattvam atrāsādhu vettha tubhyam eva tadbhaviṣyati
- 15
यद्य् उ वै पुरा साम्नार्त्विज्यं चकर्थ जाम्य् उ एव त्वया तत्कृतम् इति
yady u vai purā sāmnārtvijyaṃ cakartha jāmy u eva tvayā tatkṛtam iti
- 16
स एवार्तिम् आर्च्छति य एवं विद्वांसम् उपवदति
sa evārtim ārcchati ya evaṃ vidvāṃsam upavadati

