9 shlokas
- 1
इन्द्रं वै हरो ऽत्यरिच्यत
indraṃ vai haro 'tyaricyata
- 2
स देवान् अब्रवीत्कथं मा हरो नातिरिच्येतेति
sa devān abravītkathaṃ mā haro nātiricyeteti
- 3
तं विश्वे देवा अब्रुवन्वयं त्वा हरिवता मन्त्रेण स्तोष्यामस्तथा त्वा हरो नातिरेक्ष्यत इति
taṃ viśve devā abruvanvayaṃ tvā harivatā mantreṇa stoṣyāmastathā tvā haro nātirekṣyata iti
- 4
तं विश्वे देवा हरिवता मन्त्रेणास्तुवन्
taṃ viśve devā harivatā mantreṇāstuvan
- 5
ततो वा इन्द्रं हरो नात्यरिच्यत
tato vā indraṃ haro nātyaricyata
- 6
तद्यद्धरिवतीषु स्तुवन्तीन्द्रम् एव तद्धरसा समर्धयन्ति
tadyaddharivatīṣu stuvantīndram eva taddharasā samardhayanti
- 7
एषा ह खलु वै यजमानस्य नेदिष्ठं देवता यद् इन्द्रः
eṣā ha khalu vai yajamānasya nediṣṭhaṃ devatā yad indraḥ
- 8
तद्यद्धरिवतीषु स्तुवन्ति यजमानम् एव तद्धरसा तेजसा समर्धयन्ति
tadyaddharivatīṣu stuvanti yajamānam eva taddharasā tejasā samardhayanti
- 9
सम् अस्मा ऋध्यते य एवं वेद
sam asmā ṛdhyate ya evaṃ veda

