14 shlokas
- 1
स यं प्रथमं स्रुवम् उन्नयति तद्वै दर्शपूर्णमासयो रूपम्
sa yaṃ prathamaṃ sruvam unnayati tadvai darśapūrṇamāsayo rūpam
- 2
दर्शपूर्णमासाभ्याम् एवास्येष्टं भवति य एवं विद्वान्प्रथमं स्रुवम् उन्नयति
darśapūrṇamāsābhyām evāsyeṣṭaṃ bhavati ya evaṃ vidvānprathamaṃ sruvam unnayati
- 3
अथ यं द्वितीयं स्रुवम् उन्नयति तद्वै चातुर्मास्यानां रूपम्
atha yaṃ dvitīyaṃ sruvam unnayati tadvai cāturmāsyānāṃ rūpam
- 4
चातुर्मास्यैर् एवास्येष्टं भवति य एवं विद्वान्द्वितीयं स्रुवम् उन्नयति
cāturmāsyair evāsyeṣṭaṃ bhavati ya evaṃ vidvāndvitīyaṃ sruvam unnayati
- 5
अथ यं तृतीयं स्रुवम् उन्नयति तद्वा इष्टिपशुबन्धानां रूपम्
atha yaṃ tṛtīyaṃ sruvam unnayati tadvā iṣṭipaśubandhānāṃ rūpam
- 6
इष्टिपशुबन्धैर् एवास्येष्टं भवति य एवं विद्वांस्तृतीयं स्रुवम् उन्नयति
iṣṭipaśubandhair evāsyeṣṭaṃ bhavati ya evaṃ vidvāṃstṛtīyaṃ sruvam unnayati
- 7
अथ यं चतुर्थं स्रुवम् उन्नयति तद्वै त्र्यम्बकवाजपेयाश्वमेधानां रूपम्
atha yaṃ caturthaṃ sruvam unnayati tadvai tryambakavājapeyāśvamedhānāṃ rūpam
- 8
त्र्यम्बकवाजपेयाश्वमेधैर् एवास्येष्टं भवति य एवं विद्वांश्चतुर्थं स्रुवम् उन्नयति
tryambakavājapeyāśvamedhair evāsyeṣṭaṃ bhavati ya evaṃ vidvāṃścaturthaṃ sruvam unnayati
- 9
अथ समिधम् आदाय प्राङ्प्रैति
atha samidham ādāya prāṅpraiti
- 10
पुरुष इत्समित्तम् अन्नम् इन्द्धे ऽन्नस्य मा तेजसा स्वर्गं लोकं गमय यत्र देवानाम् ऋषीणां प्रियं धाम तत्र म इदम् अग्निहोत्रं गमयेति तूष्णीम् उपसादयति
puruṣa itsamittam annam inddhe 'nnasya mā tejasā svargaṃ lokaṃ gamaya yatra devānām ṛṣīṇāṃ priyaṃ dhāma tatra ma idam agnihotraṃ gamayeti tūṣṇīm upasādayati
- 11
अथ समिधम् अभ्यादधाति स्वर्गस्य त्वा लोकस्य संक्रमणं हिरण्मयं वंशं दधामि स्वाहेति
atha samidham abhyādadhāti svargasya tvā lokasya saṃkramaṇaṃ hiraṇmayaṃ vaṃśaṃ dadhāmi svāheti
- 12
अथ जुहोति
atha juhoti
- 13
स यां प्रथमां जुहोति देवांस्तयाप्नोति
sa yāṃ prathamāṃ juhoti devāṃstayāpnoti
- 14
अथ यां द्वितीयां जुहोत्य् ऋषींस्तयाप्नोति
atha yāṃ dvitīyāṃ juhoty ṛṣīṃstayāpnoti

