21 shlokas
- 1
पवस्वेन्दो वृषा सुत इति जने प्रतिष्ठाकामः प्रतिपदं कुर्वीत
pavasvendo vṛṣā suta iti jane pratiṣṭhākāmaḥ pratipadaṃ kurvīta
- 2
कृधी नो यशसो जन इति ह्य् अस्यै यशस्य् एव जने भवति
kṛdhī no yaśaso jana iti hy asyai yaśasy eva jane bhavati
- 3
वृषा सुत इति
vṛṣā suta iti
- 4
वृषेव वै प्रजनितेवाधिपतिर् इव तस्यां जनतायां भवति यस्याम् ऋध्यते
vṛṣeva vai prajanitevādhipatir iva tasyāṃ janatāyāṃ bhavati yasyām ṛdhyate
- 5
वृषेवैव प्रजनितेवाधिपतिर् इव तस्यां जनतायां भवति यस्याम् ऋध्यते य एवं वेद
vṛṣevaiva prajanitevādhipatir iva tasyāṃ janatāyāṃ bhavati yasyām ṛdhyate ya evaṃ veda
- 6
सर्वो ह वै जने बुभूषते ऽरातीयति
sarvo ha vai jane bubhūṣate 'rātīyati
- 7
विश्वा अप द्विषो जहीति
viśvā apa dviṣo jahīti
- 8
विश्वा एवैतेन द्विषो ऽपहते
viśvā evaitena dviṣo 'pahate
- 9
तया पवस्व धारयेति संग्रामं संयतिष्यमाणस्य प्रतिपदं कुर्यात्
tayā pavasva dhārayeti saṃgrāmaṃ saṃyatiṣyamāṇasya pratipadaṃ kuryāt
- 10
यया गाव इहागमञ्जन्यास उप नो गृहान् इति
yayā gāva ihāgamañjanyāsa upa no gṛhān iti
- 11
जन्या वा एष गा आजिहीर्षति यः संग्रामं संयतते
janyā vā eṣa gā ājihīrṣati yaḥ saṃgrāmaṃ saṃyatate
- 12
आ जन्या गा हरति
ā janyā gā harati
- 13
एताम् एव प्रतिपदं कुर्वीत सनिं प्रैष्यन्
etām eva pratipadaṃ kurvīta saniṃ praiṣyan
- 14
जन्या वा एष गा आजिहीर्षति यः सनिं प्रैति
janyā vā eṣa gā ājihīrṣati yaḥ saniṃ praiti
- 15
आ जन्या गा हरत्य् उपैनं जन्या गावो नमन्ति य एवं वेद
ā janyā gā haraty upainaṃ janyā gāvo namanti ya evaṃ veda
- 16
अग्न आयूंषि पवस इत्य् आमयाविनः प्रतिपदं कुर्यात्
agna āyūṃṣi pavasa ity āmayāvinaḥ pratipadaṃ kuryāt
- 17
अग्निं वा एतस्य शरीरम् अप्येति वायुं प्राणः
agniṃ vā etasya śarīram apyeti vāyuṃ prāṇaḥ
- 19
एताम् एवं प्रतिपदं कुर्वीरन्येषां दीक्षितानां प्रमीयेत
etām evaṃ pratipadaṃ kurvīranyeṣāṃ dīkṣitānāṃ pramīyeta
- 20
अपूता इव वा एते ऽमेध्या मन्यन्ते येषां दीक्षितानां प्रमीयते
apūtā iva vā ete 'medhyā manyante yeṣāṃ dīkṣitānāṃ pramīyate
- 21
अग्निनैवैनान्पवमानेन पूतान्मेध्यान्करोति
agninaivainānpavamānena pūtānmedhyānkaroti
- 22
एताम् एव प्रतिपदं कुर्वीत
etām eva pratipadaṃ kurvīta

