13 shlokas
- 1
देवासुरा वा एषु लोकेष्व् अस्पर्धन्तास्मिन्भुवने
devāsurā vā eṣu lokeṣv aspardhantāsminbhuvane
- 2
ते देवा अकामयन्तेमान्लोकाञ्जयेम जयेमासुरान्स्पर्धां भ्रातृव्यान् इति
te devā akāmayantemānlokāñjayema jayemāsurānspardhāṃ bhrātṛvyān iti
- 3
त एतान्य् आज्यानि स्तोत्राण्य् अपश्यन्
ta etāny ājyāni stotrāṇy apaśyan
- 4
तैर् अस्तुवत
tair astuvata
- 5
तैर् इमान्लोकान् आजयन्
tair imānlokān ājayan
- 6
इमम् एव लोकम् आग्नेयेनाजयन्न् अन्तरिक्षं मैत्रावरुणेनामुम् ऐन्द्रेण दिश एवैन्द्राग्नेन
imam eva lokam āgneyenājayann antarikṣaṃ maitrāvaruṇenāmum aindreṇa diśa evaindrāgnena
- 7
तद्यद् इमान्लोकान् आजयंस्तद् आज्यानाम् आज्यत्वम्
tadyad imānlokān ājayaṃstad ājyānām ājyatvam
- 8
एमान्लोकाञ्जयति जयति स्पर्धां द्विषन्तं भ्रातृव्यं य एवं वेद
emānlokāñjayati jayati spardhāṃ dviṣantaṃ bhrātṛvyaṃ ya evaṃ veda
- 9
ते देवा अब्रुवन्वीमानि भजामहा इति
te devā abruvanvīmāni bhajāmahā iti
- 10
तेषां ह विभागे न समपादयन्
teṣāṃ ha vibhāge na samapādayan
- 11
ते ऽब्रुवन्न् आजिम् एषाम् अयाम गिरिं काष्ठां कृत्वेति
te 'bruvann ājim eṣām ayāma giriṃ kāṣṭhāṃ kṛtveti
- 12
यद् अब्रुवन्न् आजिम् एषाम् अयामेति तद् एषां द्वितीयम् आज्यत्वम्
yad abruvann ājim eṣām ayāmeti tad eṣāṃ dvitīyam ājyatvam
- 13
यद् उ गिरिं काष्ठाम् अकुर्वंस्तस्माद् असौ गिरिः काष्ठो नाम
yad u giriṃ kāṣṭhām akurvaṃstasmād asau giriḥ kāṣṭho nāma

