13 shlokas
- 1
देवासुराः संयत्ता ज्योङ्न व्यजयन्त
devāsurāḥ saṃyattā jyoṅna vyajayanta
- 2
बृहस्पतिर्देवानां पुरोहित आसीद् उशना काव्यो ऽसुराणाम्
bṛhaspatirdevānāṃ purohita āsīd uśanā kāvyo 'surāṇām
- 3
तद्यद् एवावस्ताद्ब्रह्माक्रियत तत्परस्ताद् अक्रियत
tadyad evāvastādbrahmākriyata tatparastād akriyata
- 4
तत्समानं ब्रह्म न व्यजयत
tatsamānaṃ brahma na vyajayata
- 5
तेषां ह त्रिशीर्षा गन्धर्वो विजयस्यावेत्
teṣāṃ ha triśīrṣā gandharvo vijayasyāvet
- 6
स हेर्ष्युर् आस
sa herṣyur āsa
- 7
तस्य हाप्स्व् अन्तर्नौनगरं परिप्लवम् आस
tasya hāpsv antarnaunagaraṃ pariplavam āsa
- 8
तद् इन्द्रो ऽन्वबुध्यत त्रिशीर्षा वै नौ विजयस्य वेदेति
tad indro 'nvabudhyata triśīrṣā vai nau vijayasya vedeti
- 9
तस्य जायाम् उपार्छद् एतस्यैव विजयस्य कामाय
tasya jāyām upārchad etasyaiva vijayasya kāmāya
- 10
ताम् अब्रवीत्पृच्छतात्पतिं य इमे देवासुराः संयत्ता ज्योग् अभूवन्कतर एषां जेष्यन्तीति
tām abravītpṛcchatātpatiṃ ya ime devāsurāḥ saṃyattā jyog abhūvankatara eṣāṃ jeṣyantīti
- 11
तद्धैव संवदमानाव् आजगाम
taddhaiva saṃvadamānāv ājagāma
- 12
स ह तद् एव नौमण्ड उपशिश्लेष जलायुका वा तृणजलायुका वा भूत्वा
sa ha tad eva naumaṇḍa upaśiśleṣa jalāyukā vā tṛṇajalāyukā vā bhūtvā
- 13
सेयं पतिं पप्रच्छ य इमे देवासुराः संयत्ता ज्योग् अभूवन्कतर एषां जेष्यन्तीति
seyaṃ patiṃ papraccha ya ime devāsurāḥ saṃyattā jyog abhūvankatara eṣāṃ jeṣyantīti

