26 shlokas
- 1
स इन्द्रः
sa indraḥ
- 2
इन्द्रः सर्वे देवाः
indraḥ sarve devāḥ
- 3
स हैव देवलोकं गमयति य एवं विद्वान् उद्गायति
sa haiva devalokaṃ gamayati ya evaṃ vidvān udgāyati
- 4
अथ हान्ये गन्धर्वलोकं वैव पितृलोकं वा गमयन्ति
atha hānye gandharvalokaṃ vaiva pitṛlokaṃ vā gamayanti
- 5
अथो हास्यैताभ्याम् एव धूर्भ्यां सर्वा धुर उपाप्ता भवन्ति
atho hāsyaitābhyām eva dhūrbhyāṃ sarvā dhura upāptā bhavanti
- 6
प्रजापतिर्यज्ञम् असृजत
prajāpatiryajñam asṛjata
- 7
तं देवेभ्यः प्रायच्छत्
taṃ devebhyaḥ prāyacchat
- 8
गायत्रेणैव प्रातस्सवनं प्रायच्छत्
gāyatreṇaiva prātassavanaṃ prāyacchat
- 9
सामभिर्माध्यंदिनं सवनं तृतीयसवनं च
sāmabhirmādhyaṃdinaṃ savanaṃ tṛtīyasavanaṃ ca
- 10
आमहीयवप्रतिपद् एव माध्यंदिनं सवनम् आसीत्
āmahīyavapratipad eva mādhyaṃdinaṃ savanam āsīt
- 11
संहितप्रतिपत्तृतीयसवनम्
saṃhitapratipattṛtīyasavanam
- 12
तेनायजन्त
tenāyajanta
- 13
तेषां यद् एव गायत्रं शिर आसीत्तत्समभवत्
teṣāṃ yad eva gāyatraṃ śira āsīttatsamabhavat
- 14
ते देवाः प्रजापतिम् उपेत्याब्रुवन्न् एकं वाव किल सामास गायत्रम् एव
te devāḥ prajāpatim upetyābruvann ekaṃ vāva kila sāmāsa gāyatram eva
- 15
यद्वाव नो गायत्रं शिरो ऽभूत्तत्समभूत्
yadvāva no gāyatraṃ śiro 'bhūttatsamabhūt
- 16
तथा न इमं यज्ञं विधेहि यथा सर्व एव साङ्गाः सतनवो ऽमृताः संभवामेति
tathā na imaṃ yajñaṃ vidhehi yathā sarva eva sāṅgāḥ satanavo 'mṛtāḥ saṃbhavāmeti
- 17
स एतस्माद् एव प्रातस्सवनात्षड्गायत्राण्य् उदखिदत्
sa etasmād eva prātassavanātṣaḍgāyatrāṇy udakhidat
- 18
त्रीणि माध्यंदिनं सवनम् अवाहरत्
trīṇi mādhyaṃdinaṃ savanam avāharat
- 19
त्रीणि तृतीयसवनम्
trīṇi tṛtīyasavanam
- 20
तम् अब्रुवन्यत इदम् आदिथाः किम् इह भविष्यतीति
tam abruvanyata idam ādithāḥ kim iha bhaviṣyatīti
- 21
सो ऽब्रवीच्छन्दांस्य् अत्र प्रतिवप्स्यामि छन्दोभिर् एता आख्यायिष्यन्त इति
so 'bravīcchandāṃsy atra prativapsyāmi chandobhir etā ākhyāyiṣyanta iti
- 22
यद् अब्रवीच्छन्दांस्य् अत्र प्रतिवप्स्यामि छन्दोभिर् एता आख्यायिष्यन्त इति तस्माद् एता गायत्रीः सतीश्छन्दोभिर् आख्यायन्ते
yad abravīcchandāṃsy atra prativapsyāmi chandobhir etā ākhyāyiṣyanta iti tasmād etā gāyatrīḥ satīśchandobhir ākhyāyante
- 23
अथोपगीतेनैव ते ऽयजन्त
athopagītenaiva te 'yajanta
- 24
ते सर्व एव साङ्गाः सतनवो ऽमृताः समभवन्
te sarva eva sāṅgāḥ satanavo 'mṛtāḥ samabhavan
- 25
सर्वो हैव साङ्गः सतनुर् अमृतः सम्भवति य एवं वेद
sarvo haiva sāṅgaḥ satanur amṛtaḥ sambhavati ya evaṃ veda
- 26
एतस्मात्तद्यद्विद्वाञ्छ्रेयान्भवतीति ह स्माह शाट्यायनिः
etasmāttadyadvidvāñchreyānbhavatīti ha smāha śāṭyāyaniḥ

