12 shlokas
- 1
गायत्री वै प्रातस्सवनं वहति गायत्री माध्यंदिनं सवनं गायत्री तृतीयसवनम्
gāyatrī vai prātassavanaṃ vahati gāyatrī mādhyaṃdinaṃ savanaṃ gāyatrī tṛtīyasavanam
- 2
स य एतद् एवं वेद गायत्री प्रातस्सवनं वहति गायत्री माध्यंदिनं सवनं गायत्री तृतीयसवनम् इत्य् आजरसं हास्य यशः कीर्तिर्न व्येति
sa ya etad evaṃ veda gāyatrī prātassavanaṃ vahati gāyatrī mādhyaṃdinaṃ savanaṃ gāyatrī tṛtīyasavanam ity ājarasaṃ hāsya yaśaḥ kīrtirna vyeti
- 3
तद् उ होवाचारुणिर्गायत्रीं वा अहं सर्वाणि सवनानि वहन्तीं वेद
tad u hovācāruṇirgāyatrīṃ vā ahaṃ sarvāṇi savanāni vahantīṃ veda
- 4
तस्मान्ममाजरसं यशः कीर्तिर्न व्येतीति
tasmānmamājarasaṃ yaśaḥ kīrtirna vyetīti
- 5
आजरसं हैवास्य यशः कीर्तिर्न व्येति य एवं वेद
ājarasaṃ haivāsya yaśaḥ kīrtirna vyeti ya evaṃ veda
- 6
तानीमानि छन्दांस्य् अब्रुवन्न् इयं वाव नश्श्रेष्ठेयं वीर्यवत्तमा या सोमम् आहार्षीद्या यज्ञम् अतत
tānīmāni chandāṃsy abruvann iyaṃ vāva naśśreṣṭheyaṃ vīryavattamā yā somam āhārṣīdyā yajñam atata
- 7
एताम् एवाप्ययामेति
etām evāpyayāmeti
- 8
तां त्रिष्टुब्जगत्यौ सवनाभ्याम् अप्यैताम्
tāṃ triṣṭubjagatyau savanābhyām apyaitām
- 9
अथ यद् उष्णिक्ककुभोर्द्वे अष्टाक्षरे पदे तेन ते अप्यैताम्
atha yad uṣṇikkakubhordve aṣṭākṣare pade tena te apyaitām
- 10
अथ यद्बृहत्यै त्रीण्य् अष्टाक्षराणि पदानि तेन साप्यैत्
atha yadbṛhatyai trīṇy aṣṭākṣarāṇi padāni tena sāpyait
- 11
अथ यद् अनुष्टुभश्चत्वार्य् अष्टाक्षराणि पदानि तेन साप्यैत्
atha yad anuṣṭubhaścatvāry aṣṭākṣarāṇi padāni tena sāpyait
- 12
अथ यत्पङ्क्तेः पञ्चाष्टाक्षराणि पदानि तेन साप्यैत्
atha yatpaṅkteḥ pañcāṣṭākṣarāṇi padāni tena sāpyait

