18 shlokas
- 1
तद् आहुः स वाद्य यजेत स वान्यं याजयेद्यश्चतुष्टोमेन याजयन्सर्वस्तोमेन याजयति
tad āhuḥ sa vādya yajeta sa vānyaṃ yājayedyaścatuṣṭomena yājayansarvastomena yājayati
- 2
नवैता बहिष्पवमान्यो भवन्ति
navaitā bahiṣpavamānyo bhavanti
- 3
तासां सप्तविंशतिः पदानि
tāsāṃ saptaviṃśatiḥ padāni
- 4
तेन त्रिणवं स्तोमं नान्तर्यन्ति
tena triṇavaṃ stomaṃ nāntaryanti
- 5
नवैवैता बहिष्पवमान्यो भवन्ति
navaivaitā bahiṣpavamānyo bhavanti
- 6
चतुर्विंशत्यक्षरा गायत्री
caturviṃśatyakṣarā gāyatrī
- 7
तत्त्रयस्त्रिंशत्
tattrayastriṃśat
- 8
तेन त्रयस्त्रिंशं स्तोमं नान्तर्यन्ति
tena trayastriṃśaṃ stomaṃ nāntaryanti
- 9
एतद्वै चतुष्टोमेन याजयन्सर्वस्तोमेन याजयति
etadvai catuṣṭomena yājayansarvastomena yājayati
- 10
यो वै स्तोमानाम् अवमं परमं वेद गच्छति परमताम्
yo vai stomānām avamaṃ paramaṃ veda gacchati paramatām
- 11
त्रिवृद्वाव स्तोमानाम् अवमस्त्रिवृत्परमः
trivṛdvāva stomānām avamastrivṛtparamaḥ
- 12
तद् उ होवाच प्रकुर्वार्ष्णस्त्रिवृतं स्तोमं त्रयस्त्रिंशं भवन्तम् अपश्यम्
tad u hovāca prakurvārṣṇastrivṛtaṃ stomaṃ trayastriṃśaṃ bhavantam apaśyam
- 13
तस्माद् अहं परमताम् अगच्छम् इति
tasmād ahaṃ paramatām agaccham iti
- 14
गच्छति परमतां य एवं वेद
gacchati paramatāṃ ya evaṃ veda
- 15
अथ ह स्माहारुणिः किं सो ऽभिचरेत्किं वाभिचार्यमाण आद्रियेत य एतं त्रिवृतं वज्रं त्रिभृष्टिम् अच्छिद्रम् अच्छम्बट्कारिणम् अहर् अहर् इमान्लोकान् अनुवर्तमानं वेद
atha ha smāhāruṇiḥ kiṃ so 'bhicaretkiṃ vābhicāryamāṇa ādriyeta ya etaṃ trivṛtaṃ vajraṃ tribhṛṣṭim acchidram acchambaṭkāriṇam ahar ahar imānlokān anuvartamānaṃ veda
- 16
स्वयमभिचरितो वाव स यम् एवंविद्द्वेष्टि यो वैवंविदं द्वेष्टीति
svayamabhicarito vāva sa yam evaṃviddveṣṭi yo vaivaṃvidaṃ dveṣṭīti
- 17
एष उ एवैनं त्रिवृद्वज्रस्त्रिभृष्टिर् अच्छिद्रो ऽच्छम्बट्कार्य् अहर् अहर् इमान्लोकान् अनुवर्तमानो ऽभिवर्तते
eṣa u evainaṃ trivṛdvajrastribhṛṣṭir acchidro 'cchambaṭkāry ahar ahar imānlokān anuvartamāno 'bhivartate
- 18
तस्य न भूत्या अल्पिकेव चनाशास्ति परैव भवतीति
tasya na bhūtyā alpikeva canāśāsti paraiva bhavatīti

