23 shlokas
- 1
विच्छिन्नम् इव वा एतत्साम प्रतिहारं प्रति
vicchinnam iva vā etatsāma pratihāraṃ prati
- 2
कयाशचायिवार्तोहायीति संक्रामेद् अनादृत्य प्रतिहारम्
kayāśacāyivārtohāyīti saṃkrāmed anādṛtya pratihāram
- 3
तद् उ तद्दुष्कररूपम् उत सामि ताम्येत्तत्
tad u tadduṣkararūpam uta sāmi tāmyettat
- 4
प्रतिहार एव प्रतिह्रियमाणे वाग् इत्य् उद्गाता ब्रूयात्
pratihāra eva pratihriyamāṇe vāg ity udgātā brūyāt
- 5
वाग्वै ब्रह्म
vāgvai brahma
- 6
वाचैवैनत्तद्ब्रह्मणा संदधाति
vācaivainattadbrahmaṇā saṃdadhāti
- 7
आपो वै देवानां पत्नय आसन्
āpo vai devānāṃ patnaya āsan
- 8
ता मिथुनम् ऐच्छन्त
tā mithunam aicchanta
- 9
ता मित्रावरुणाव् उपैताम्
tā mitrāvaruṇāv upaitām
- 10
ता गर्भम् अदधत
tā garbham adadhata
- 11
ततो रेवतयः पशवो ऽसृज्यन्त
tato revatayaḥ paśavo 'sṛjyanta
- 12
रेवतीषु पशुकामस्य कुर्यात्
revatīṣu paśukāmasya kuryāt
- 13
पशुमान् एव भवति
paśumān eva bhavati
- 14
ईश्वरो ह त्व् अप्रजा भवितोः
īśvaro ha tv aprajā bhavitoḥ
- 15
कवतीभ्यो ह्य् एति प्राजापत्याभ्यः
kavatībhyo hy eti prājāpatyābhyaḥ
- 16
अथ ह वा एतद्भरद्वाजः पृश्निस्तोत्रं ददर्श पशुकामः कया नश्चित्र आ भुवद्रेवतीर्नः सधमादे ऽभी षु णः सखीनाम् इति
atha ha vā etadbharadvājaḥ pṛśnistotraṃ dadarśa paśukāmaḥ kayā naścitra ā bhuvadrevatīrnaḥ sadhamāde 'bhī ṣu ṇaḥ sakhīnām iti
- 17
स यद् एकां रेवतीं मध्यतो ऽपिसृजति तेन पशुभ्यो नैति
sa yad ekāṃ revatīṃ madhyato 'pisṛjati tena paśubhyo naiti
- 18
यद् उ कवत्यौ प्राजापत्ये अभितो भवतस्तेनो प्रजायै नैति
yad u kavatyau prājāpatye abhito bhavatasteno prajāyai naiti
- 19
तत्स्वारं भवति
tatsvāraṃ bhavati
- 20
प्राणो वै स्वरः
prāṇo vai svaraḥ
- 21
प्राणम् एव तत्पशुषु दधाति
prāṇam eva tatpaśuṣu dadhāti
- 22
ईश्वरो ह तु स्वरेण यजमानस्य पशून्निःस्वरितोः
īśvaro ha tu svareṇa yajamānasya paśūnniḥsvaritoḥ
- 23
यद्य् उ निधनं कुर्यात्प्राणम् अपिहन्यात्
yady u nidhanaṃ kuryātprāṇam apihanyāt

