12 shlokas
- 1
एकाक्षरं देवानाम् अवमम् आसीत्सप्ताक्षरं परमम्
ekākṣaraṃ devānām avamam āsītsaptākṣaraṃ paramam
- 2
नवाक्षरम् असुराणाम् अवमम् आसीत्पञ्चदशाक्षरं परमम्
navākṣaram asurāṇām avamam āsītpañcadaśākṣaraṃ paramam
- 3
ते देवा अकामयन्त कनीयसा भूयो ऽसुराणां वृञ्जीमहीति
te devā akāmayanta kanīyasā bhūyo 'surāṇāṃ vṛñjīmahīti
- 4
त एकाक्षरेण पञ्चदशाक्षरम् अवृञ्जत द्व्यक्षरेण चतुर्दशाक्षरं त्र्यक्षरेण त्रयोदशाक्षरं चतुरक्षरेण द्वादशाक्षरं पञ्चाक्षरेणैकादशाक्षरं षडक्षरेण दशाक्षरं सप्ताक्षरेण नवाक्षरम् अष्टाक्षरेणाष्टौ
ta ekākṣareṇa pañcadaśākṣaram avṛñjata dvyakṣareṇa caturdaśākṣaraṃ tryakṣareṇa trayodaśākṣaraṃ caturakṣareṇa dvādaśākṣaraṃ pañcākṣareṇaikādaśākṣaraṃ ṣaḍakṣareṇa daśākṣaraṃ saptākṣareṇa navākṣaram aṣṭākṣareṇāṣṭau
- 5
तानि यत्षोडश षोडश समपद्यन्त तत्षोडशिनः षोडशित्वम्
tāni yatṣoḍaśa ṣoḍaśa samapadyanta tatṣoḍaśinaḥ ṣoḍaśitvam
- 6
तद्गायत्र्य् एव सप्तदश्य् उपसमपद्यत
tadgāyatry eva saptadaśy upasamapadyata
- 7
तस्माद् आहुः सप्तदशः प्रजापतिर् इति
tasmād āhuḥ saptadaśaḥ prajāpatir iti
- 8
इन्द्रो वै वृत्रम् अजिघांसत्
indro vai vṛtram ajighāṃsat
- 9
स प्रजापतिम् उपाधावद्धनानि वृत्रम् इति
sa prajāpatim upādhāvaddhanāni vṛtram iti
- 10
तस्मा एतं षोडशिनं वज्रं प्रायच्छद्यद् अस्य वीर्यम् आसीत्तद् आदाय शक्वर्यः
tasmā etaṃ ṣoḍaśinaṃ vajraṃ prāyacchadyad asya vīryam āsīttad ādāya śakvaryaḥ
- 11
तं नाशक्नोद्धन्तुम्
taṃ nāśaknoddhantum
- 12
तं पुनर् उपाधावद्धनान्य् एव वृत्रम् इति
taṃ punar upādhāvaddhanāny eva vṛtram iti

