12 shlokas
- 1
यथा स्याद् एवं बुभूषन्न् उपेयात्
yathā syād evaṃ bubhūṣann upeyāt
- 2
यथा स्याद् एवं भ्रातृव्यवान्
yathā syād evaṃ bhrātṛvyavān
- 3
भवत्य् आत्मना परास्य द्विषन्भ्रातृव्यो भवति य एवं वेद
bhavaty ātmanā parāsya dviṣanbhrātṛvyo bhavati ya evaṃ veda
- 4
बृहद्रथन्तरे यद् असृज्येतां ताभ्यां भीषा प्रजाः पशव उदवेपन्त
bṛhadrathantare yad asṛjyetāṃ tābhyāṃ bhīṣā prajāḥ paśava udavepanta
- 5
ते आत्मानम् एव पर्यैक्षेतां किं नु नाव् इदं क्रूरम् इवात्मनो यस्माद्भीषा प्रजाः पशव उदवेपिषतेति
te ātmānam eva paryaikṣetāṃ kiṃ nu nāv idaṃ krūram ivātmano yasmādbhīṣā prajāḥ paśava udavepiṣateti
- 6
ते निधने एवापश्यताम्
te nidhane evāpaśyatām
- 7
ते अरण्ये निधाय ग्रामम् अभ्यवैताम्
te araṇye nidhāya grāmam abhyavaitām
- 8
तद् एव स्वकृतम् इरिणम् अभवत्
tad eva svakṛtam iriṇam abhavat
- 9
तस्माद् आहुर्न स्वकृतम् इरिणम् अध्यवसेयम् ईश्वरः पापीयान्भवितोर्यत्स्वकृतम् इरिणम् अध्यवस्यतीति
tasmād āhurna svakṛtam iriṇam adhyavaseyam īśvaraḥ pāpīyānbhavitoryatsvakṛtam iriṇam adhyavasyatīti
- 10
बृहद्रथन्तरयोर्ह वा एतन्निधनाभ्यां निर्दग्धम्
bṛhadrathantarayorha vā etannidhanābhyāṃ nirdagdham
- 11
ते ह वा एते ग्रामे गेये एवापनिधने यद्बृहद्रथन्तरे
te ha vā ete grāme geye evāpanidhane yadbṛhadrathantare
- 12
कामं ह वा एताभ्याम् अपनिधनाभ्यां ग्रामे स्तुवीत
kāmaṃ ha vā etābhyām apanidhanābhyāṃ grāme stuvīta

