11 shlokas
- 1
प्रायां मायित्रान्नू शांसीषाम् ऊर्जो नपातं स ह्य् आयुमा इति
prāyāṃ māyitrānnū śāṃsīṣām ūrjo napātaṃ sa hy āyumā iti
- 2
यन्नायुमेति ब्रूयान्नायुष्मान्यजमानः स्यात्
yannāyumeti brūyānnāyuṣmānyajamānaḥ syāt
- 3
अथ यद् आयुमेत्य् आहायुर् एवैतद् उद्गातात्मंश्च यजमाने च दधाति
atha yad āyumety āhāyur evaitad udgātātmaṃśca yajamāne ca dadhāti
- 4
हिं मायि स्मायूः आशेमा हव्यदातया वु वा इति
hiṃ māyi smāyūḥ āśemā havyadātayā vu vā iti
- 5
यद्दाशेमेति ब्रूयाद्दंशुका एनं स्युः
yaddāśemeti brūyāddaṃśukā enaṃ syuḥ
- 6
अथ यद् आशेमेत्य् आहाश्नुत एव
atha yad āśemety āhāśnuta eva
- 7
आशेमा हाव्यादातायायि भुवद्वाजेष्व् अविता भूवाद्धिं मायि वार्धा इति
āśemā hāvyādātāyāyi bhuvadvājeṣv avitā bhūvāddhiṃ māyi vārdhā iti
- 8
वृद्ध इव ह्य् एतर्हि यज्ञो भवति
vṛddha iva hy etarhi yajño bhavati
- 9
उत त्राता बहूनाम् इति
uta trātā bahūnām iti
- 10
यत्तनूनाम् इति ब्रूयात्तनुर् इव यजमानः स्यात्
yattanūnām iti brūyāttanur iva yajamānaḥ syāt
- 11
अथ यद्बहूनाम् इत्य् आह बहूनाम् एवैनम् एतत्त्रातारं करोति
atha yadbahūnām ity āha bahūnām evainam etattrātāraṃ karoti

