7 shlokas
- 1
यद्य् एनम् आर्भवस्य पवमानस्य गायत्र्याम् अनुव्याहरेद्यज्ञस्य प्राणम् अचीकॢपं यज्ञमारः प्राणस्त्वा हास्यतीत्य् एनं ब्रूयात्
yady enam ārbhavasya pavamānasya gāyatryām anuvyāharedyajñasya prāṇam acīkḷpaṃ yajñamāraḥ prāṇastvā hāsyatīty enaṃ brūyāt
- 2
अथो ह ब्रूयात्प्रमायुको भविष्यसीति
atho ha brūyātpramāyuko bhaviṣyasīti
- 3
यद्य् एनम् उष्णिक्ककुभोर् अनुव्याहरेद्यज्ञस्य चक्षुषी अचीकॢपं यज्ञमारो ऽन्धो भविष्यसीत्य् एनं ब्रूयात्
yady enam uṣṇikkakubhor anuvyāharedyajñasya cakṣuṣī acīkḷpaṃ yajñamāro 'ndho bhaviṣyasīty enaṃ brūyāt
- 4
यद्य् एनम् अनुष्टुभ्य् अनुव्याहरेद्यज्ञस्य वाचम् अचीकॢपं यज्ञमारो वाक्ते ऽपक्रमिष्यतीत्य् एनं ब्रूयात्
yady enam anuṣṭubhy anuvyāharedyajñasya vācam acīkḷpaṃ yajñamāro vākte 'pakramiṣyatīty enaṃ brūyāt
- 5
अथो ह ब्रूयाद् अशनया मरिष्यसीति
atho ha brūyād aśanayā mariṣyasīti
- 6
यद्य् एनं जगत्याम् अनुव्याहरेद्यज्ञस्य श्रोत्रम् अचीकॢपं यज्ञमारो बधिरो भविष्यसीत्य् एनं ब्रूयात्
yady enaṃ jagatyām anuvyāharedyajñasya śrotram acīkḷpaṃ yajñamāro badhiro bhaviṣyasīty enaṃ brūyāt
- 7
यद्य् एनं यज्ञायज्ञीये ऽनुव्याहरेद्यज्ञस्य शिरो ऽचीकॢपं यज्ञमारश्शिरस्ते विपतिष्यतीत्य् एनं ब्रूयात्
yady enaṃ yajñāyajñīye 'nuvyāharedyajñasya śiro 'cīkḷpaṃ yajñamāraśśiraste vipatiṣyatīty enaṃ brūyāt

