12 shlokas
- 1
तद् एतद् अमूलं रथन्तरं यद् अन्यत्राक्षरेभ्यः
tad etad amūlaṃ rathantaraṃ yad anyatrākṣarebhyaḥ
- 2
एतस्माद्धीदम् आयतनात्प्रच्यवन्ते ये ऽन्यत्राक्षरेभ्यः स्तोभन्ति
etasmāddhīdam āyatanātpracyavante ye 'nyatrākṣarebhyaḥ stobhanti
- 3
अथ यो ऽक्षरेषु स्तोब्धि स्व एव तद् आयतने प्रतितिष्ठति
atha yo 'kṣareṣu stobdhi sva eva tad āyatane pratitiṣṭhati
- 4
तस्माद् अक्षरेष्व् एव स्तोब्धव्यम्
tasmād akṣareṣv eva stobdhavyam
- 5
देवतागायिनः कुरुपञ्चाला आयतनाद् अच्यवन्तेति ह स्माह शाट्यायनिः
devatāgāyinaḥ kurupañcālā āyatanād acyavanteti ha smāha śāṭyāyaniḥ
- 6
मनो वै पूर्वम् अथ वाक्
mano vai pūrvam atha vāk
- 7
मनो वै बृहद्वाग्रथन्तरम्
mano vai bṛhadvāgrathantaram
- 8
तद्यत्र बृहद्रथन्तरे आजिम् ऐतां तद्बृहद् उदजयत्
tadyatra bṛhadrathantare ājim aitāṃ tadbṛhad udajayat
- 9
रथन्तरं हीयमानम् अमन्यत
rathantaraṃ hīyamānam amanyata
- 10
तद्यत्क्षिप्रं रथन्तरं गायति मनश्चैव तद्वाचं च समे करोति
tadyatkṣipraṃ rathantaraṃ gāyati manaścaiva tadvācaṃ ca same karoti
- 11
तद् इदं रथन्तरम् ईक्षते यो माम् अनेन समम् अकृद्धन्तायं क्षिप्रे पाप्मानं विजहात्व् इति
tad idaṃ rathantaram īkṣate yo mām anena samam akṛddhantāyaṃ kṣipre pāpmānaṃ vijahātv iti
- 12
स ह क्षिप्रे पाप्मानं विजहाति य एवं विद्वान्क्षिप्रं रथन्तरं गायति
sa ha kṣipre pāpmānaṃ vijahāti ya evaṃ vidvānkṣipraṃ rathantaraṃ gāyati

