10 shlokas
- 1
हारिवर्णं ब्रह्मसाम रक्षोगृहीतः कुर्वीत
hārivarṇaṃ brahmasāma rakṣogṛhītaḥ kurvīta
- 2
अङ्गिरसः स्वर्गं लोकं यत एभ्यो लोकेभ्यो रक्षांस्य् अन्वसचन्त
aṅgirasaḥ svargaṃ lokaṃ yata ebhyo lokebhyo rakṣāṃsy anvasacanta
- 3
ते ऽकामयन्ताप रक्षांसि हनीमहीति
te 'kāmayantāpa rakṣāṃsi hanīmahīti
- 4
स एतद्धरिवर्ण आङ्गिरसः सामापश्यत्
sa etaddharivarṇa āṅgirasaḥ sāmāpaśyat
- 5
तेनास्तुत
tenāstuta
- 6
तेनैभ्यो लोकेभ्यो रक्षांस्य् अपाघ्नत
tenaibhyo lokebhyo rakṣāṃsy apāghnata
- 7
हरिश्रियम् इत्य् एवास्माल्लोकाद्विराजसीत्य् अन्तरिक्षाद्दिवे दिव इत्य् अमुष्मात्
hariśriyam ity evāsmāllokādvirājasīty antarikṣāddive diva ity amuṣmāt
- 8
ततो वै ते सर्वेभ्य एभ्यो लोकेभ्यो रक्षांस्य् अपहत्य स्वर्गं लोकम् आरोहन्
tato vai te sarvebhya ebhyo lokebhyo rakṣāṃsy apahatya svargaṃ lokam ārohan
- 9
सर्वेभ्य एवैभ्यो लोकेभ्यो रक्षांस्य् अपहत्य स्वर्गं लोकम् आरोहति य एवं वेद
sarvebhya evaibhyo lokebhyo rakṣāṃsy apahatya svargaṃ lokam ārohati ya evaṃ veda
- 10
यद् उ हरिवर्ण आङ्गिरसो ऽपश्यत्तस्माद्धारिवर्णम् इत्य् आख्यायते
yad u harivarṇa āṅgiraso 'paśyattasmāddhārivarṇam ity ākhyāyate

