20 shlokas
- 1
प्राणान्वावैतत्संतत्य स्वर्गं लोकं सर्पन्ति यद् अन्तर्हविर्धाने ग्रहान्गृहीत्वा बहिष्पवमानं सर्पन्ति
prāṇānvāvaitatsaṃtatya svargaṃ lokaṃ sarpanti yad antarhavirdhāne grahāngṛhītvā bahiṣpavamānaṃ sarpanti
- 2
संतताः सर्पन्ति
saṃtatāḥ sarpanti
- 3
संतत इव वै स्वर्गो लोकः
saṃtata iva vai svargo lokaḥ
- 4
स्वर्गस्यैव लोकस्य संतत्या अव्यवच्छेदाय
svargasyaiva lokasya saṃtatyā avyavacchedāya
- 5
प्रावभ्रा इव सर्पन्ति
prāvabhrā iva sarpanti
- 6
प्रतिकूल इव वा इतस्स्वर्गो लोकः
pratikūla iva vā itassvargo lokaḥ
- 7
तद्यथा वा अदः प्रतिकूलम् उद्यन्प्रावभ्र इव भवत्येवम् एवैतत्
tadyathā vā adaḥ pratikūlam udyanprāvabhra iva bhavatyevam evaitat
- 8
स्वर्गस्य लोकस्य समष्ट्या अनपव्याथाय
svargasya lokasya samaṣṭyā anapavyāthāya
- 9
अध्वर्युः प्रथमः सर्पति प्राणो यज्ञस्य
adhvaryuḥ prathamaḥ sarpati prāṇo yajñasya
- 10
तस्माद्यद् अवच्छिद्येरन्प्राणाद् अवच्छिद्येरन्प्रमायुकाः स्युः
tasmādyad avacchidyeranprāṇād avacchidyeranpramāyukāḥ syuḥ
- 11
प्रस्तोता द्वितीयः सर्पति मुखं साम्नः
prastotā dvitīyaḥ sarpati mukhaṃ sāmnaḥ
- 12
तस्माद्यद् अवच्छिद्येरन्मुख्याम् आर्तिम् आर्छेयुः
tasmādyad avacchidyeranmukhyām ārtim ārcheyuḥ
- 13
उद्गाता तृतीयः सर्पति सर्वदेवत्यः प्रजापतिः
udgātā tṛtīyaḥ sarpati sarvadevatyaḥ prajāpatiḥ
- 14
तस्माद्यद् अवच्छिद्येरन्सर्वज्यानिं जीयेरन्
tasmādyad avacchidyeransarvajyāniṃ jīyeran
- 15
प्रतिहर्ता चतुर्थः सर्पति तुरीयं साम्नः
pratihartā caturthaḥ sarpati turīyaṃ sāmnaḥ
- 16
तस्माद्यद् अवच्छिद्येरंस्तुरीयेणात्मनो यातयेयुः
tasmādyad avacchidyeraṃsturīyeṇātmano yātayeyuḥ
- 17
यजमानः पञ्चमः सर्पति
yajamānaḥ pañcamaḥ sarpati
- 18
पाङ्क्तो यज्ञः
pāṅkto yajñaḥ
- 19
पाङ्क्ताः पशवः
pāṅktāḥ paśavaḥ
- 20
तस्माद्यद् अवच्छिद्येरन्यज्ञात्पशुभ्यो ऽवच्छिद्येरन्
tasmādyad avacchidyeranyajñātpaśubhyo 'vacchidyeran

