25 shlokas
- 1
स यत्प्रथमम् अपाहन्सा कृष्णाविरभवत्
sa yatprathamam apāhansā kṛṣṇāvirabhavat
- 2
यद्द्वितीयम् अपाहन्सा धूम्राविरभवत्
yaddvitīyam apāhansā dhūmrāvirabhavat
- 3
यत्तृतीयम् अपाहन्सा फल्गुन्य् अविरभवत्
yattṛtīyam apāhansā phalguny avirabhavat
- 4
स यं कामयेत पापीयान्स्याद् इति कृष्णम् अस्य पवित्रे ऽप्यस्येत्पापीयान् एव भवति
sa yaṃ kāmayeta pāpīyānsyād iti kṛṣṇam asya pavitre 'pyasyetpāpīyān eva bhavati
- 5
अथ यं कामयेत नार्वाङ्न परः स्याद् इति धूम्रम् अस्य पवित्रे ऽप्यस्येन्नैवार्वाङ्न परो भवति
atha yaṃ kāmayeta nārvāṅna paraḥ syād iti dhūmram asya pavitre 'pyasyennaivārvāṅna paro bhavati
- 6
अथ यं कामयेत श्रेयान्स्याद्रुचम् अश्नुवीतेति फल्गुनम् अस्य पवित्रं कुर्याच्छ्रेयान् एव भवति रुचम् अश्नुते
atha yaṃ kāmayeta śreyānsyādrucam aśnuvīteti phalgunam asya pavitraṃ kuryācchreyān eva bhavati rucam aśnute
- 7
अस्ति हि तत्राप्य् आदित्यस्य न्यक्तं
asti hi tatrāpy ādityasya nyaktaṃ
- 8
तद् अन्तरेषे अवहृत्य संमार्ष्टि वसवस्त्वा संमृजन्तु गायत्रेण छन्दसा रुद्रास्त्वा संमृजन्तु त्रैष्टुभेन छन्दसादित्यास्त्वा संमृजन्तु जागतेन छन्दसेति
tad antareṣe avahṛtya saṃmārṣṭi vasavastvā saṃmṛjantu gāyatreṇa chandasā rudrāstvā saṃmṛjantu traiṣṭubhena chandasādityāstvā saṃmṛjantu jāgatena chandaseti
- 9
तद् उदीचीनदशं पवित्रवत्या वितनोति पवित्रं ते विततं ब्रह्मणस्पत इति समष्ट्यै
tad udīcīnadaśaṃ pavitravatyā vitanoti pavitraṃ te vitataṃ brahmaṇaspata iti samaṣṭyai
- 10
तपोष्पवित्रं विततं दिवस्पद इति स्वर्गकामस्य
tapoṣpavitraṃ vitataṃ divaspada iti svargakāmasya
- 11
अरूरुचद् उषसः पृश्निर् अग्रयुर् इति प्रजाकामस्य
arūrucad uṣasaḥ pṛśnir agrayur iti prajākāmasya
- 12
सर्वाभिर् एव वितनुयाद् एतेषां सर्वेषां कामानाम् उपाप्त्यै
sarvābhir eva vitanuyād eteṣāṃ sarveṣāṃ kāmānām upāptyai
- 13
राजानम् आनयति
rājānam ānayati
- 14
तम् अभिमन्त्रयते स पवस्व सुधामा देवानाम् अभि प्रियाणि धाम त्रिर्देवेभ्यो ऽपवथास्त्रिर् आदित्येभ्यस्त्रिर् अङ्गिरोभ्यो येन तुर्येण ब्रह्मणा बृहस्पतये ऽपवथास्तेन मह्यं पवस्व
tam abhimantrayate sa pavasva sudhāmā devānām abhi priyāṇi dhāma trirdevebhyo 'pavathāstrir ādityebhyastrir aṅgirobhyo yena turyeṇa brahmaṇā bṛhaspataye 'pavathāstena mahyaṃ pavasva
- 15
स नः पवस्व शं गवे शं जनाय शम् अर्वते
sa naḥ pavasva śaṃ gave śaṃ janāya śam arvate
- 16
शं राजन्न् ओषधीभ्य इति
śaṃ rājann oṣadhībhya iti
- 17
शम् एवोद्गात्रे भवति शं यजमानाय शं प्रजाभ्यः
śam evodgātre bhavati śaṃ yajamānāya śaṃ prajābhyaḥ
- 18
अध्वर्युर् आग्रयणं ग्रहं गृह्णन्हिंकरोति
adhvaryur āgrayaṇaṃ grahaṃ gṛhṇanhiṃkaroti
- 19
तद् एव हिंकृतं भवति
tad eva hiṃkṛtaṃ bhavati
- 20
अथोद्गातैकर्चो गायत्रं गायत्य् उच्चा ते जातम् अन्धसेति
athodgātaikarco gāyatraṃ gāyaty uccā te jātam andhaseti
- 21
स उद् इत्य् एवेतो देवेभ्यो हव्यं वहति
sa ud ity eveto devebhyo havyaṃ vahati
- 22
दिवि सद्भूम्य् आ दद इत्य् अमुतो वृष्टिम् आच्यावयति
divi sadbhūmy ā dada ity amuto vṛṣṭim ācyāvayati
- 23
ताविमौ लोकौ सवासिनौ करोति
tāvimau lokau savāsinau karoti
- 24
तावस्मै कामं पिन्वाते
tāvasmai kāmaṃ pinvāte
- 25
कामम् अस्मा इमौ लोकौ पिन्वाते य एवं वेद
kāmam asmā imau lokau pinvāte ya evaṃ veda

