11 shlokas
- 1
संमुखान्ग्राव्णः कृत्वाभिमृशति श्येना अजिरा ऋतस्य गर्भाः प्रयुतो नपातः पर्वतानां ककुभ आ नस्तं वीरं वहत यं बहव उपजीवामो ऽभिशस्तिकृतम् अनभिशस्तेन्यम् अन्यस्याभिशस्त्याः कर्तारम् इति
saṃmukhāngrāvṇaḥ kṛtvābhimṛśati śyenā ajirā ṛtasya garbhāḥ prayuto napātaḥ parvatānāṃ kakubha ā nastaṃ vīraṃ vahata yaṃ bahava upajīvāmo 'bhiśastikṛtam anabhiśastenyam anyasyābhiśastyāḥ kartāram iti
- 2
आ हैवास्य वीरो जायते ऽभिशस्तिकृद् अनभिशस्तेन्यो ऽन्यस्याभिशस्त्याः कर्ता
ā haivāsya vīro jāyate 'bhiśastikṛd anabhiśastenyo 'nyasyābhiśastyāḥ kartā
- 3
द्रोणकलशम् अध्यूहतीदम् अहं मां ब्रह्मवर्चसे ऽध्यूहामीति
droṇakalaśam adhyūhatīdam ahaṃ māṃ brahmavarcase 'dhyūhāmīti
- 4
यद्य् अस्यावरुद्धो राजन्यः स्याद्विमुखान्ग्राव्णः कृत्वा तूष्णीं द्रोणकलशम् अध्यूह्य तम् अवह्वारयन्दक्षिणा निरूहेद् इदम् अहम् अमुं विशो निरूहामीदम् अस्य राष्ट्रं न्युब्जामीति न्यञ्चं द्रोणकलशं न्युब्जेत्
yady asyāvaruddho rājanyaḥ syādvimukhāngrāvṇaḥ kṛtvā tūṣṇīṃ droṇakalaśam adhyūhya tam avahvārayandakṣiṇā nirūhed idam aham amuṃ viśo nirūhāmīdam asya rāṣṭraṃ nyubjāmīti nyañcaṃ droṇakalaśaṃ nyubjet
- 5
सम्मुखान्ग्राव्णः कृत्वा यो ऽस्य राजन्यः स्यात्तस्य नाम गृहीत्वा द्रोणकलशम् अध्यूहेद् इदम् अहम् अमुं विश्य् अध्यूहामीति
sammukhāngrāvṇaḥ kṛtvā yo 'sya rājanyaḥ syāttasya nāma gṛhītvā droṇakalaśam adhyūhed idam aham amuṃ viśy adhyūhāmīti
- 6
अपेतरो रुध्यते ऽवेतरो गच्छति
apetaro rudhyate 'vetaro gacchati
- 7
स यद्य् एनम् अवगत्य नाद्रियेत तं कामयेतात्रैवान्तरवरुद्धो ऽस्त्व् इति
sa yady enam avagatya nādriyeta taṃ kāmayetātraivāntaravaruddho 'stv iti
- 8
विमुखान्ग्राव्णः कृत्वा तूष्णीं द्रोणकलशम् अध्यूह्योपांशुसवन इति ग्रावा तम् उपरिष्टाद् अभिनिदध्याद् इदम् अहम् अमुष्मिन्विशम् अध्यूहामीति
vimukhāngrāvṇaḥ kṛtvā tūṣṇīṃ droṇakalaśam adhyūhyopāṃśusavana iti grāvā tam upariṣṭād abhinidadhyād idam aham amuṣminviśam adhyūhāmīti
- 9
अभिप्रक्षीणानाहीनं विट्तिष्ठति
abhiprakṣīṇānāhīnaṃ viṭtiṣṭhati
- 10
स यद्य् एनं विदित्वोपधावेद् अस्मिन्वावेदं ब्राह्मणे ऽध्य् आस यद् इदम् अस्येव च नेव चेति सम्मुखान्ग्राव्णः कृत्वा द्रोणकलशम् अध्यूहेद् इदम् अहम् अमुं विश्य् अध्यूहामीति
sa yady enaṃ viditvopadhāved asminvāvedaṃ brāhmaṇe 'dhy āsa yad idam asyeva ca neva ceti sammukhāngrāvṇaḥ kṛtvā droṇakalaśam adhyūhed idam aham amuṃ viśy adhyūhāmīti
- 11
ईशे स्वानाम् अपैनं स्वाश्चायन्त्य् अनन्तरवरुद्धो भवति
īśe svānām apainaṃ svāścāyanty anantaravaruddho bhavati

