14 shlokas
- 1
तद् उ ह स्माहेयपिः सौमापः स वाद्य यजेत स वान्यं याजयेद्यो यथा महति तीर्थे ऽसिकते गा असंबाधमानाः संतर्पयेद् एवं सर्वा देवता अनुसवनं छन्दस्स्व् अक्षरम् अक्षरम् अन्व् असंबाधमानाः संतृप्यन्तीर्विद्याद् इति
tad u ha smāheyapiḥ saumāpaḥ sa vādya yajeta sa vānyaṃ yājayedyo yathā mahati tīrthe 'sikate gā asaṃbādhamānāḥ saṃtarpayed evaṃ sarvā devatā anusavanaṃ chandassv akṣaram akṣaram anv asaṃbādhamānāḥ saṃtṛpyantīrvidyād iti
- 2
अष्टाक्षरा गायत्री
aṣṭākṣarā gāyatrī
- 3
अष्टौ वसवः
aṣṭau vasavaḥ
- 4
वसूनां गायत्रं प्रातस्सवनम्
vasūnāṃ gāyatraṃ prātassavanam
- 5
तत्ते प्रातस्सवने छन्दस्स्व् अक्षरम् अक्षरम् अन्व् असम्बाधमानाः संतृप्यन्ति
tatte prātassavane chandassv akṣaram akṣaram anv asambādhamānāḥ saṃtṛpyanti
- 6
एकादशाक्षरा त्रिष्टुप्
ekādaśākṣarā triṣṭup
- 7
एकादश रुद्राः
ekādaśa rudrāḥ
- 8
रुद्राणां त्रैष्टुभं माध्यंदिनं सवनम्
rudrāṇāṃ traiṣṭubhaṃ mādhyaṃdinaṃ savanam
- 9
तत्ते माध्यंदिने सवने छन्दस्स्व् अक्षरम् अक्षरम् अन्व् असम्बाधमानाः संतृप्यन्ति
tatte mādhyaṃdine savane chandassv akṣaram akṣaram anv asambādhamānāḥ saṃtṛpyanti
- 10
द्वादशाक्षरा जगती
dvādaśākṣarā jagatī
- 11
द्वादशादित्याः
dvādaśādityāḥ
- 12
आदित्यानां जागतं तृतीयसवनम्
ādityānāṃ jāgataṃ tṛtīyasavanam
- 13
तत्ते तृतीयसवने छन्दस्स्व् अक्षरमक्षरम् अन्व् असम्बाधमानाः संतृप्यन्ति
tatte tṛtīyasavane chandassv akṣaramakṣaram anv asambādhamānāḥ saṃtṛpyanti
- 14
स य एवम् एता देवानां तृप्तीर्वेद तृप्यत्य् आत्मना तृप्यत्य् अस्य प्रजा
sa ya evam etā devānāṃ tṛptīrveda tṛpyaty ātmanā tṛpyaty asya prajā

