20 shlokas
- 1
यो वै देवरूपं च मनुष्यरूपं च व्यावर्तयति वि पाप्मनावर्तते
yo vai devarūpaṃ ca manuṣyarūpaṃ ca vyāvartayati vi pāpmanāvartate
- 2
देवा वै पवमानाः
devā vai pavamānāḥ
- 3
प्रजाः पृष्ठोक्थानि
prajāḥ pṛṣṭhokthāni
- 4
तद्यत्पवमानान्पावमानीष्व् एव स्तुवते तस्माद्देवा एकरूपाः सर्वे शुक्लाः
tadyatpavamānānpāvamānīṣv eva stuvate tasmāddevā ekarūpāḥ sarve śuklāḥ
- 5
अथ यस्मात्पृष्ठोक्थैर्नानारूपासु नानादेवत्यासु स्तुवते तस्माद् उ प्रजा नानारूपाश्श्वेतो रोहितः कृष्णः
atha yasmātpṛṣṭhokthairnānārūpāsu nānādevatyāsu stuvate tasmād u prajā nānārūpāśśveto rohitaḥ kṛṣṇaḥ
- 6
एतद्वै देवरूपं च मनुष्यरूपं च व्यावर्तयति वि पाप्मनावर्तते य एवं वेद
etadvai devarūpaṃ ca manuṣyarūpaṃ ca vyāvartayati vi pāpmanāvartate ya evaṃ veda
- 7
यो वै देवानाम् उद्धारं वेदोद् उद्धारं हरत उद्धार्यो भवति
yo vai devānām uddhāraṃ vedod uddhāraṃ harata uddhāryo bhavati
- 8
बहिष्पवमानं वाव देवानाम् उद्धारः
bahiṣpavamānaṃ vāva devānām uddhāraḥ
- 9
तेन सकृद्धिंकृतेन पराचा स्तुवते
tena sakṛddhiṃkṛtena parācā stuvate
- 10
तस्मात्पराङ् उद्धारः
tasmātparāṅ uddhāraḥ
- 11
स एष एव देवानां श्रेष्ठः
sa eṣa eva devānāṃ śreṣṭhaḥ
- 12
तस्योद्धारः
tasyoddhāraḥ
- 13
प्रजापतेर् एवोद् उद्धारं हरत उद्धार्यो भवति य एवं वेद
prajāpater evod uddhāraṃ harata uddhāryo bhavati ya evaṃ veda
- 14
तम् एतं यज्ञस्य रसं प्रवृह्य पुरान्यस्मात्प्रजापतये प्रयच्छति तस्माद्बहिष्पवमानेन स्तोष्यन्तः प्रह्वारा इव प्रकुपिता इव सर्पन्ति
tam etaṃ yajñasya rasaṃ pravṛhya purānyasmātprajāpataye prayacchati tasmādbahiṣpavamānena stoṣyantaḥ prahvārā iva prakupitā iva sarpanti
- 15
एवम् इव वै श्रेयस उपचारः
evam iva vai śreyasa upacāraḥ
- 16
तस्माद् उ तस्य स्तोत्रे न व्याहरेत्
tasmād u tasya stotre na vyāharet
- 17
को हि श्रेयसः परिवेषणम् अववदितुम् अर्हति
ko hi śreyasaḥ pariveṣaṇam avavaditum arhati
- 18
यो वै श्रेयसः परिवेषणम् अववदति यया वै स तम् आर्त्या कामयते तयैनं निनयति
yo vai śreyasaḥ pariveṣaṇam avavadati yayā vai sa tam ārtyā kāmayate tayainaṃ ninayati
- 19
अथ यत्ततो ऽध्वर्युः सम्प्रैषान्वदति प्रजापतय एव तद्यज्ञस्य रसं प्रदाय तम् आप्याययति
atha yattato 'dhvaryuḥ sampraiṣānvadati prajāpataya eva tadyajñasya rasaṃ pradāya tam āpyāyayati
- 20
तेनास्यापीनेन रसवता स्तुतं भवति
tenāsyāpīnena rasavatā stutaṃ bhavati

