11 shlokas
- 1
रौद्रं गवि वायव्यम् उपसृष्टम् आश्विनं दुह्यमानम् अग्नीषोमीयं दुग्धं वारुणम् अधिश्रितं वैश्वदेवा बिन्दवः पौष्णम् उदन्तं सारस्वतं विष्यन्दमानं मैत्रं शरो धातुर् उद्वासितं बृहस्पतेर् उन्नीतं सवितुः प्रक्रान्तं द्यावापृथिव्योर्ह्रियमाणम् इन्द्राग्न्योर् उपसन्नम् अग्नेः पूर्वाहुतिः प्रजापतेर् उत्तरैन्द्रं हुतम्
raudraṃ gavi vāyavyam upasṛṣṭam āśvinaṃ duhyamānam agnīṣomīyaṃ dugdhaṃ vāruṇam adhiśritaṃ vaiśvadevā bindavaḥ pauṣṇam udantaṃ sārasvataṃ viṣyandamānaṃ maitraṃ śaro dhātur udvāsitaṃ bṛhaspater unnītaṃ savituḥ prakrāntaṃ dyāvāpṛthivyorhriyamāṇam indrāgnyor upasannam agneḥ pūrvāhutiḥ prajāpater uttaraindraṃ hutam
- 2
तद् एतत्सप्तदशम् अग्निहोत्रम्
tad etatsaptadaśam agnihotram
- 3
सप्तदश उ एव वाजपेयः
saptadaśa u eva vājapeyaḥ
- 4
स य एवं विद्वान् अग्निहोत्रं जुहोत्य् उभाव् एव लोकाव् अभिजयति यश्चाग्निहोत्रहुतो यश्च वाजपेययाजिनः
sa ya evaṃ vidvān agnihotraṃ juhoty ubhāv eva lokāv abhijayati yaścāgnihotrahuto yaśca vājapeyayājinaḥ
- 5
त्रयो ऽग्निहोत्रे स्थाणव इति ह स्माह शाण्डिल्यः
trayo 'gnihotre sthāṇava iti ha smāha śāṇḍilyaḥ
- 6
यद् अप्रदीप्तायां समिधि जुहोति स स्थाणुः
yad apradīptāyāṃ samidhi juhoti sa sthāṇuḥ
- 7
यद् एनाम् अपराध्नोति स स्थाणुः
yad enām aparādhnoti sa sthāṇuḥ
- 8
यद् एने संसृजति स स्थाणुः
yad ene saṃsṛjati sa sthāṇuḥ
- 9
आदीप्तायै समिधः समुन्मुखे जुहोति
ādīptāyai samidhaḥ samunmukhe juhoti
- 10
अतिहायोत्तराम् आहुतिं जुहोति
atihāyottarām āhutiṃ juhoti
- 11
प्र ह सप्तदश सप्तदश सहस्रपोषान्पुष्यति य एवं विद्वान् अग्निहोत्रं जुहोति
pra ha saptadaśa saptadaśa sahasrapoṣānpuṣyati ya evaṃ vidvān agnihotraṃ juhoti

