9 shlokas
- 1
स प्राचान्येन पदा प्राभ्रंशत प्रतीचान्येन
sa prācānyena padā prābhraṃśata pratīcānyena
- 2
येन प्राचा प्राभ्रंशत सा ककुब् अभवत्
yena prācā prābhraṃśata sā kakub abhavat
- 3
तस्मात्ककुभः पूर्वार्धे ऽक्षराणि भूयिष्ठानि
tasmātkakubhaḥ pūrvārdhe 'kṣarāṇi bhūyiṣṭhāni
- 4
अथ येन प्रतीचा प्राभ्रंशत सोष्णिग् अभवत्
atha yena pratīcā prābhraṃśata soṣṇig abhavat
- 5
तस्माद् उष्णिहो जघनार्धे ऽक्षराणि भूयिष्ठानि
tasmād uṣṇiho jaghanārdhe 'kṣarāṇi bhūyiṣṭhāni
- 6
ते एते छन्दसी धेनुश्चैवानड्वांश्च
te ete chandasī dhenuścaivānaḍvāṃśca
- 7
तस्मात्पशवः पूर्वार्धेन च जघनार्धेन च भूयिष्ठं भुञ्जन्ति
tasmātpaśavaḥ pūrvārdhena ca jaghanārdhena ca bhūyiṣṭhaṃ bhuñjanti
- 8
वहन्ति पूर्वार्धेन दुह्रे च जघनार्धेन प्र च जनयन्ति
vahanti pūrvārdhena duhre ca jaghanārdhena pra ca janayanti
- 9
उभयं धेनुपयसं चानडुत्पयसं चावरुन्द्धे य एवं वेद
ubhayaṃ dhenupayasaṃ cānaḍutpayasaṃ cāvarunddhe ya evaṃ veda

